تجربتي مع الأسد الصيني

[kashada]

الأسد الصيني هو علامة تجارية لبرنامج مكافحة الفيروسات Rising Antivirus 2009

[Only Registered Users Can See Links]


وعن تجربة شخصية فإني انصحكم باستخدامه لما يمتاز به من قوة وقدرة على مكافحة الفيروسات والديدان والبرامج الخبيثة ، وما زادني اعجابا به هو خفته عند بدء تشغيل الجهاز على العكس تماما من النورتون والكاسبر ...

إنه ابداع جمع ميزات أفضل برامج مكافحة الفيروسات المشهورة ،،، أضف الى ذلك ان تحديث قاعدة البيانات الخاصة به سريع ويتم بسرعة مذهلة ....

والتجربة خير برهان

يمكن تحميله من هنا ([Only Registered Users Can See Links])حجمه في حدود الـ 60 ميجا

الموقع الرسمي للشركة : [Only Registered Users Can See Links]


Engoy

[li@]

بارك الله فيك يا استاد ابوبكر معناها ان شاء الله لما انسيبى ايجى البيتنا حنخليه يغيره لى لانه يفهم فى هده الاشياء وشكرااا

[الغزالة]

هو نصحك ببرنامج ما قالك احكيلي قصة حياتك يا عليوه ههههههه


مشكور استاذي علي المعلومة وبارك الله فيك


قيد التجريب

[kashada]

شكرا على تضامنك معاي يا غزالة

الى متى يا " علي " تقعد عابي على انسيبك

الموضوع ببساط يجب ان تحذف أي برنامج مكافحة فيروسات من جهازك

وبعدها إعادة تشغيل وتنصيب البرنامج الجديد واعادة تشغيل

هذا كل ما في الأمر

[li@]

انى نعرف نحدف ونعرف انزل البرنامج التانى بس شن عرفى ان هده هى الى تلوح الفايروس وبعدين مش يبيى اسكان ومدرى شنو انى برامج الفيروسات منفهمش فيهم ضرورى انسيبى هو الى يحطه انت لو تعرفه يا كشادة كنت تقولى ايه راجل ميردكش ابداااا

[rwan]

بارك الله فيك استاذ kashada

الحق سمعت عليه بس ما خطر ببالي نحملة

بس لانك شكرت البرنامج معناه اكيد يستحق

جاري التحميل





استاذ عليوة

صدق فيك استاذ بوبكر لحد امته بتكون متكل على نسيبك

وصدقت فيك الغزالة هو الاستاذ شرح البرنامج ما طلب شرح قصة حياتك



تبي الحق يا استاذ علي

نتمنى نسيبك يطنش عليك ويقولك مش منزله لك

ويا شماتة روان فيك

خخخخخخخخخخخخخخخخخخ

[kashada]

شكرا روان على ثقتك اللامحدودة

وبصراحة البرنامج اعجبني فقلت خللي نودكم بيه

ويا علي انا عندي احساس ان نسيبك بيفوتك هالمرة لأنك بشعت بيه

وربي يعطيه الصبر ووسعة البال اللي متحملك

[li@]

فى مثل يا استاد كشادة يقول ((الى ميعرفك يجهلك ))انسيبى متعرفوشى لو تعرفوه حدقولى كلامى صح معمرى طلبت منه حاجه والا داره ملا علاش هو بو نسيب لان على حسب علمى يحب الكمبيوتر وجو الكمبيوتر وفهيم جداااا فيه علما انه مش اختصاصه بس يبدع فيه الصراحه بعدين انى مبشعتش به هو اصلا وين يعرف انى انى مبشع بيه ناقصه غير يدخل للمنتدى بعدين تقلق منه يا كشادة بقتراحاته الفنتك ومستحيل انه ميغيرش البرنامج الفيرس لانى زى ما قلت يحب هدا الشى يقول يلا خلى نتسلو ونورو فلحتنا قدام انسيبنا الى هو انا

[مهند2010]

مشكور يااستاد علي الابداع

اما انت ياعلي انزل عليه إنسيبك لين يعلمك فرصه ومرات معاد تلقاها هههه

[rwan]

ويا علي انا عندي احساس ان نسيبك بيفوتك هالمرة لأنك بشعت بيه

ربي يسمع منك

على الاقل نحصلوا شئ نشمتوا بيه علي

وربي يعطيه الصبر ووسعة البال اللي متحملك

اللهم آمين

[الجميلة]

مشكور استاد k

اني تو نجرب لكن والله كان صار لجهازي


حاجة هكي والا هكي دبرولي في جهاز جديد


اني واعرة وما نعرف نتناقش

[kashada]

جربي يا جميلة ومش حتقدري تغمضي عينيك

ولو صار لجهازك حاجة نصلحوه على حساب المنتدى

الا اذا كنت خايفة من الاسد

[الجميلة]

لالالا تصليح شن دراني مرات اللي بيصلحة يخنب منه طرف


اني ما نرضي الا بجهاز جديد

[li@]

ايوا يا كشادة صار مش حتقدر تغمض عنيك الباين تسهر على روتانا سينما شششششششش




مهند مستحلين انسيبه انسيبى وص زى ما قلت فرصه

وانت يا اخت روان تبى تتشمتى فيا باااااااااااااااااهى

[wahat]

ما شاء الله العنوان اسد


بيجو قلع غير صينية الصنع




صح يا علي بو انسيب ولا بن عم قريب




اسمع المسالة مسالة تحدي مع الاعضاء راك تخسر بس


شفت شنو صارلي مع سحرالشرق كلها اتشمت بعدج الخصارة





وبالنسبة للبرنامج ياريت نقدر انجربة بس سعة كبيرة في عملية التنزيل 40m

انا 5m نوحل في تنزيلها

[دمعة سبها]

عادي ياواحات كله يمشي المهم البرنامج ينزل

((اللي يبي الورد يتحمل شوكه))

اني ما نرضي الا بجهاز جديد

كان الحكاية هكي تو نكسره الجهاز اللي قدامي

والمهم مشكور استاد كشادة وان شاء الله ينزل

ونستفيد منه البرنامج

[الجميلة]

توا نجرب فيه يا كشادة

[wahat]

شنو صار يا علي مع ابو نسب


انصفقو
[Only Registered Users Can See Links]


او انت[Only Registered Users Can See Links]

نحن جاهزين للحالتين

[li@]

ان شاء الله خير يا واحات

[wahat]

الاسبوع الاول فات


اكيد مر عليكم

انحرجت ما قدرت اتكلمة

خلاص نعطيك فرصة اسبوع تاني

[ريان]

مشكور اخى على العطاء المميز

[ابراهيم المصري]

اسألو مجرب
أنا جربت برامج انتي فيرس للأستاذ الكبير kashada
وحتى الان نستخدم فيها من 2006