زواج الشاب الليبي

[ليبيا]

العادات والتقاليد تعوق زواج الشاب الليبي:(
بسبب غلاء المهور ، وصعوبة الحياة الاقتصادية التي تشهدها ليبيا وغيرها من دول العالم العربي الأقل رخاء ، أصبحت هذه المشكلة تشكل مصدر إحباط لزواج ملايين الشباب .

وتفرض العادات والتقاليد الليبية على الشاب أن يوفر للعروس المسكن المستقل والمهر المبالغ فيه ، في حين أن 90 % من سكان ليبيا البالغ عددهم 6 ملايين نسمة أصبحوا يعيشون الآن بفضل تزايد وتيرة التحضر في المدن ، حيث السكن باهظ ونادر.

ويشير البنك الدولي ، حسب ما ورد بجريدة " القبس "إلى معدلات البطالة في ليبيا بنسبة 30 % ، مما لا يترك سوى قلة ميسورة الحال من الشباب الليبي الذين يقدرون على توفير المشغولات الذهبية والأثاث والمهر وسائر متطلبات الزواج التقليدي.

ويذكر أن العائلات الليبية تنفق نحو عشرة ألاف دولار أو أكثر على حفل الزواج ، بالإضافة إلي الشقق التي تتراوح اسعارها من بين 50 إلي 70 ألف دولار ، الذي ما زال محكوماً بالتقاليد التي كانت تقتضي من القرويين ذات يوم توجيه الدعوة لكامل أهالي القرية والعشيرة.

وتخدم حفلات الزواج في ليبيا كواجهة للعرض الاجتماعي ، حيث تنتقي الأمهات والشقيقات العرائس لأبنائهن وأشقائهن في بعض الأحيان .
مع التعديل و منقول شبكة الإعلام العربية

[kashada]

شكرا "ليبيا " على طرح الموضوع الذي يعاني منه معظم الشباب العرب بإستثناء القلة منهم،،، أنا شخصيا أعتقد أن المهر لم يعد مشكلة والقلة هم من مازالوا يبالغون في المهر ، ولكن تكمن المشكلة الآن وكما ورد في موضوعك في صعوبة توفير أساسيات الزواج وبناء أسرة مثل السكن والأثاث والمركوب والدخل الشهري حيث تحول كل ما كان من الكماليات في السابق الى ضروريات في الوقت الحاضر وأفضل دليل على صعوبة الزواج وبناء أسرة هو أن الزواج بات يتم في أعمار متقدمة تفوق الأربعين أحيانا.... ربنا يسهل :mad: :mad:

[غنية عن التعريف]

مشكور أخ ليبيا علي الموضوع في الصميم
بس مثل ماقال أخ kashada
المهور أصبحت في الوقت هذا في حدود المعقول والشباب أو بعضهم عشان مانضلم النشيطين مايبيش يشتغل في أي مجال مع العلم انهم ماكملو دراستهم
وربي يكون في عونكم ويصير خير
بعد يوصلو للاربعين يفتحوا بيوت

[مهند2010]

السلام عليكم
بالنسبه ليبيا اصبحت ارخص دوله
في مهر الزواج ارخص حتي من
تشاد للسبب واحد كثرت البنات
وتكلم تحصل بس اصبحت الثقه
في البنت هيا العائق الوحيد بعد
مدخل علينا النقلات الصورالفضيعه
لليبيات وكترت الشفارات عند البنات
لهدا دخل وسواس فضيع للشباب
واصبح يرا كل البنات زي بعض
وبدا الخوف عند الشباب

[رغد]

انا معاكم في اللي قلتوه لكن يا مهندحتي الشباب مش هوينين ..وانا رائي اللي تبي تنستر ما تحط شروط ذهب..وبيت...والكماليات كلها لازم تكون موجودة..ترضي بالموجود..ربنا يوفق الجميع

[مهند2010]

ياأختي رغد ماتفمينيش غلط
البنت زي المرايه ادا انشقت او
انكسرت معادش تتلم اما الشاب
مهما ايدير في النهايه يتزوج
لاكن البنت ادا غلطت قعدت
وانا مش ضدد البنت ولاكن
اختي وامي ينصيحه حتي لو قاسيه
شويه لاكن هدا الواقع

[مهند2010]

خيره رقد هدا الموضوع
ويعتبر من المواضيع المهمه وين الشباب

[الجميلة]

هاااااااااااااااااااااااااااني

جيت بعد ما قريت الموضوع

اني مرات نسأل في روحي ليش المنازل غالية لهده الدرجة 80الف

وكدلك المهر غالي انت بتزوجها بنتك والا بتبيعها؟؟؟؟؟؟؟؟؟؟؟؟؟؟

هده مشكلة حتي اللي يفكر يتزوج تركبة حاله نفسية ويحس بالنقص

لازم كل شي يكون في حدود المعقول وكيف ما يقولوا علي قيس لحافك مد رجليك

[الجميلة]

ومرات حتي نحس فيها مسألة فخخفخة

والله اني بنتي مهرها كده وفي عرسها صرفت كده

او درته في الصالة كده وجبنا اشبح قداش جمل

ووووووووووووووووووووووووووووووووووووووو

وانت يا مان ايكدوك لين تدهش والله انكم واجعيني واجد

الله يكون في عونكم وخلاص وربي يهدي الشعب الليبي

[الغزالة]

بجد مشكلة كبيرة ويجب ان نجد لها حل


وهذه المشكلة يعاني منها اغلب شبابنا


هي في الاول مشكلة البطالة واحد ما يتوظف الا بعد وين وبعدها بيجي يخط والا بيتزوج


وطبعا المرتب علي قدة ويجو هالشروط اللي ليها اول مالها اخر هو الواحد بيزوج والا


بيبيع ؟؟؟؟؟


هو زواج علي ما اعتقد ماهو بيع وبعدين هذا كله فخفخة في الاخير وبعدين يحط علي



ظهره الديون وهو بعدين بيصرف علي العويلة والا بيسدد الديون



الناس ما تنظر للي جاي تنظر لي الفخفخة فقط درت ودرت ودرت



ويقولو خيره بناتنا عوانس من هالشروط اللي تكسر الظهر

[طير الكناري]

السلام عليكم .......
اولا هذا الموضوع وجهات النظر فيه كثيرة ,لاكن انا في أعتقادي الموضوع راجع الى النية اولا ,يعني الشاب لما ينوي الزواج ربي يوفقه ويعطيه ما في نيتة(ان شاء الله) ,وأنتم عارفين ان النية الصادقة تقودك الى التركيز والتصميم لاكن للاسف الشباب الليبي ما يعرف شن معنى التصميم يعني (ماعندهمش نفس طويل )وقتنا هذا يبي نفس طويل لان الحياة صعبة في كل مكان ليست في ليبيا وحدها ,وانا معاكم ان ظروف الشاب الليبي المفروض تكون احسن من هكي لاكن الله غالب ,يعني بختصار عندما تكون الضروف قاسية المطلوب في هذه الحالة بذل مجهود مضاعف ......
وأختم كلامي ببيت شعر
وما نيل المطالب بالتمني ******ولاكن تأخذ الدنيا غلابا

[طير الكناري]

يا شباب سلم النجاح والارادة ترقاها درجة درجة ........
ذكروا أكويس درجة درجة

[wahat]

بصراحة يا ليبيا هي حقا مشكلة

ولازم نلقالها حل

واعتقد ان الحل في يد الشاب

بعني مثلا مشكلة ارتفاع قيمة الموهور

الشاب لما يتقد للفتاة ويرفعلو قيمة المهر يتركها الفتاة ويمشي لوحدة اخرة

وهكي ينزل تلقاي قيمة المهر

وبنسبة للبدخ في المناسبات

الواحد لما يكبر العزومة من الطبيعي انها تزيد المصاريف

يعني كبرها بتكبر صغرها بتصغر


وانا موش مع جريدة القبس في ان نسبة البطالة في ليبيا 30% فاعتقد انه غير صحيح ومبالغ فيه

قد تكون كدالك لو اننا قسنها في عدد العاملين في الملاك الوضيفي فقط

لكن شبابنا الان اغلبهم يعملو في الخاص

يعني سائق او يدير محل ملك او مستخدم فية وهكدا

وبصراحة اكتر انا هنا في الواحد نتعب كتير في الحصول على مستخدم يقوم بادارة شي معين خاص لي

والسبب هو ان اغلب الشباب لديهم اعمال مرتبطين بها

[الفلاح]

شكرا على الموضوع يا شباب
وبنقوللكم حاجة:
بالنسبة للمهور زي ماقال خونا مهند ان ليبيا ارخص دولة في مهر الزواج لكن مش المهر هو كل شيء الوقت هذا ماتلقاش اللي تستاهل المهر مع احترامي لبعض النساء لو فيه وحدة تستاهل ممكن الانسان يبيع حتى عيونه على شانها لكن مافيش هذي حاجة
والحاجة الثانية : هي علاش مافيش اللي تستاهل ؟
كلنا يعرف وكلنا يعلم وكلنا يدري على الوضع اللي فيه البنات اليوم وقاعد نقول مع احترامي لبعض البنات لانهم بدوا قلة نادرة يعني من ال 20 تطلع بنت كويسة والعرض موجود في كل مكان في الكليات .. والمحلات... وحتى الشوارع
وحاجة اخيرة نبي نقولها ...
ان شاء الله ربي يسترنا ويستر امة محمد اجمعين ونسأل الله السلامة

[الزليطني]

بسم الله الرحمن الرحيم
ان هده المشاركه هي الاولي ليامن نوعها ارجو ان تقبلوني كصديق للمنتدي:eek: نتكلم عن موضوع الزواج في ليبيا نلاحظ ان هناك عزوف من الشباب والبنات عن الزواج ليش؟ لعدة اسباب منها غلاء المهور وعدم ايجاد فرص عمل للشباب وعدم التكافؤ الفكري بين الرجل والمراه والزياده في الاسعار وغلاء البيوت وعندما يريد الشاب ان يتزوج بفتاه ويدهب اهله ليخطبوها من اهلها فانهم يضعون عدة شروط لا قبلا له بيها تريد منزل وتريد سياره ولا تعيش مع اهله وهو غالب في شراء ملابسه او علبة سيجاره ادا كان مدخنا اعزاء يجب علينا معالجة هدة الامور اولا

[نجمة الصباح]

مشكلة زواج ليس بشروط وانما بعقول المجتمع

مشكلة اولي ان الشباب يتشروطوا في الخطبة يبوها زي التلاجة مش يشوفوا لتقافتها واحترامها وكلامها والمراة تنكح لثلاث مالها وجمالها ونسبها وانتم ادري؟؟؟


بلعكس معاش فيه شروط الا السكن فقط واحيانا في ناس اتخلت عليه
وتاني مشكلة المجتمع الليبي يقول وهدا خطا الشاب لوغلط عادي اما المراة تقعد ديما في نظر مجتمع ماتنفعش ؟؟؟؟

[صفا الروح]

السلام عليكم ورحمة الله وبركاته
تحية طيبة للجميع،،

أشكر الاخ / ليبيا على طرحه لهذا الموضوع الحساس جدا ،، وبصراحة هنالك بعض النقاط التي تم طرحها والبعض الاخر غير ،،
بمعنى أنه الشاب لما يبي يتزوج يخبر أهله وهما يمشوا يخطبوله من أي عائلة تعجبهم طبعا لأحد الاسباب التالية :ـ
1/ ماتملك هذه العائلة "أي حالتها المادية" باش تناسبهم والا لأ .
2/ يدورا ديم على البنت اللي عمرها صغير(مادابيهم أصغر من والدهم بحوالي خمس سنين..أقل شئ!!!؟).
3/ مادبيهم تكون مدرسة أو تخدم في قطاع عام " متعينة" باش تساعد ولدهم في المصاريف ........الخ".
اذن أسباب ارتفاع المهور وعدم أقدام الشاب على الزوج يكمن في كل ماقالوه أخواني وأخواتي المشتركين ،،وكذلك في العلاقات المبنية على التي صارت أساسيات الشاب باش يفكر يتزوج والا لا ـ (يعني هنالك بعض الشباب يديروا أكثر من علاقة وعند ما يقرر يتزوج أو باش يفرح عائلته وعند ماينحط في موقف, يقوللهم انتم بروا أخطبوا اي وحدة تعجبكم وعلى كيفكم .. وبالتالي تنظلم البنت اللي وثقت فيه وعابيا عليه بتقدمهالها وهو للاسف يتسلى ،،وفي شباب ماشاء الله عليهم ربي هاديهم ويوفوا ويتقدموا للبنت بعد العلاقة
أنشاء ربي يهدي أخواننا الشباب ويفكروا قبل كل شئ أنه ( الطيبون للطيبات )
وأخيرا وسامحوني على الاطالة عندي نصيحة للبنت و الشاب وهي (اللي يزرع خير يحصد خير ) خصوصا في مسائل مصيرية مثل الزواج .
الله يوفق الجميع لكل مايرضيه :)

[الوصال]

يا أخ ليبيا انت قســيت في الكــلام
شوية ولكن معلايش ليس كل البنات مش كويسات
ولا كل الشباب كويسين كيف ما فيه بنات
محترمات فيه شباب محترمين وربي يهدي
تسلم يداك وبارك الله فيك يا ليبيا

[امبرطور البحر]

لاتتركني
ضمني الي قلبك الدافئ
وأخفيني عن هداالوجود
غطيني بحنانك
واكشف لي عن داك الغموض
كي أنام في أحضان فؤادك
دون خوف دون دموع

[امبرطور البحر]

الاتحسب اني عقبكم في ندامه ماني
علي حب المقفين ندمان ومن باعنا
برخيص نرخص مقامه نشطب عليه
ونتركه دوووووووووم عنوااااااان

[امبرطور البحر]

علمتني الدنيا معانيها
وزادت من عدابي فيها
وتركت وسط قلبي جراح
فكيف بالله اجاريها

[الطيب الشرقاوي]

اني راي الشخصي ومن واقع تجربه سابقه ومن واقع المجتمع انا الشباب زيدنها خمسه يعني لا لازم سياره ولازم حوش ملك وكنهدا مانبيش نتزوج والاغلب تلقاه رافض فكرة الايجار
يعني الواحد يجب ان يكيف نفسه مع الوضع اللي هو فيه
والحمد لله توه خوكم ليه سنتين متزوج والامور طيبه لكن حبيت نعطي رايي الشخصي
واخيرا الله لاترد ايام العزوبيه

[زهراء القلب]

نشكر صاحب الموضوع علي هذاالطرح...
المسكن وعدم التوظيف هما مشكلة الشاب الليبي....
وأسعار شقق ليبيا أصبحت خيالية ووصلت لحد500.000 دينار ....خذوهم فقراء يغنيهم الله...

[عزمي]

بـــالأول مســــاء الخيــــر للكــــــل...

بــالنسبــة للمهـــــور أصبحـــــت فــــى متنــــاول كــــل مــــن نــــاوى الــــزواج

لكــــــن المشــــــكلـــة الكبيــــــــرة فـــــى السكــــــن أولا ... وفــــى العمـــــــــل

ثـــانيــــا... وربـــــى اسهلكـــــــم الكــــــل وتنـــالو مـــاتتمنو...
ســـــــــــلام

[سونية]

بارك الله فيكم ياشباب على طرح هذا الموضوع
لان بصراحة جاءع الجرح شفو قصتى
لى 3سنوات ونصف مقرية فاتحتى
ولحد الان ونحنا نحاولى نلمو موضوعنا
خطيبى مفيش شغلة ما اشتغلها عمل ليل + دراسة فى الجامعة
وهذا كله والاهل مش عاجبهم من جهة يقولو ربى يعينة ومن جهة خيره طول فيش يراجى
وهذا الحال بنسبة لى نى مفيش الا ندعيلة ربى يرزقه ويفرج عليه وعلى كل مسلم
وهذى قصتى سمحونى ياشباب كثرت عليكم
والسلام عليكم ورحمة الله وباركات .

[اليزابيت]

صح هدى مشكلة اغلب الشباب الليبيين فى ناس شروطهم مش مقبولة ومش معقولة يعنى مش أى حد يقدر عليها
و بالدات الدهب والحاجات هادىواللي يزيد من ظاهرة العنوسة في مجتمعاتنا

(انا عن نفسى بينى وبينكم مانرضاش الا بدهب كاامل مش ناقص ولا حاجة)
طبعاا هدا رايى الشخصى

[إدغام]

انا شخصيا نعرف شباب تزوجوا من لا شئ...يعني الرغبة و تصميم اهم شئ
ليبيا وشبابها و بناتها بخير اهم شئ القناعة و الرضى بقليل وربنا يسخر الحال
ودي و تحياتي

[دمعة عمر]

السلام عليكم ورحمة الله
خوى ليبيا بعد التحية بالنسة للزواج انى انشوف انه معش فيه اي شروووووووط ومعش في حد هالايام يشرط ويطلب فى مهور غالية المشكلة الوحيدة هيا السكن وغلاء العقار بعدين ردا على كلام خوي مهند وغيره هوا فعلا الكلام اللى انقال على البنات ةالشفرات وغيره بس على ما اعتقد فيييييييييييييييييه هلببببببببببببة بناااااااااااااات محترمات فى بلادنا وصوابع ايدك مش زى بعض بعدين ماتشوفوش من جيهة وحدة فى نفس الوقت الشبااااااااب بالله من و توا فيم مش مبتلى الا من رحم الله ياتعاطى ياشرب يامبتلى بالنساء وماتقولوش الولد يفرق لان ربى دار الخطأ وعقابه على الرجال والنسااااااااااااااء سواء وبعدين الموضوع كان على الزواج والمهور مش الاحلاق عند النساء اقرو باهى

[الجميلة]

فعلا