يا جماعة نبي نزوج عطوني رأيكم

[ليبيا]

السلام عليكم ورحمه الله وبركاته
الأخوة الأخوات الأعضاء ،،
عندي الوالدة تلح عليّ في الزواج بشكل غير طبيعي بسبب فكرتي في الهجرة وانا متردد بعض الشيء لعدم وجود شقة لدي .. وعرضت عليّ أنا أستئجار شقة واتزوج فيها لحين يفرج الله .. ومازلت متردد ماذا تنصوحني هل أتوكل على الله اما انتظر لحين يفرج الله ..
رأيكم يهمني

[mese]

:rolleyes: :rolleyes: :rolleyes: :) امشي تزوج خود راي امك

[li@]

وعليكم السلام ورحمة الله وبركاته


الزواج اولا نصف الدين وتانى شى اكيد تتزوج خير باش تلقى من يهتم بيك فى سوريا واكيد مادام الام تلح فياريت تلبي طلبا ....هدا كلامى الرسمى

نجو للجو خخخخخخخخ امك عارفتك ماشى لسوريا وبنات غادى مشاء الله قالت خن زوجه خير متزيع عينه وروح وجايبلى بنت منعرفوش نتفاهمو معهااا وشادين فى ردها كمشه صغار ههههههه


اسمع كلام امك انت شن عرف الى تعرفه هى
وربى يخليهالك ان شاء الله


والف الف الف مبروك مقدماااااا ها متنساش تعزمنا خخخخخخخخخ

[مهند2010]

اتزوج المرأه ستره وغطآء ومحلي حياة الزواج استقرار
وبهده الطريقة تنسآء شئ اسمه هجره

انا والحمد لله عندما تزوجت لم يكن عندي بيت والآن الحمد لله صار عندي بيت محترم (تزوجوا يافقرآء يغنيكم الله)

[li@]

ايه منتبهتش تاجر شقه هو منى توا اللى متزوج بحوشه نادر كلها ماجره وعااادى جدااااا اجره ياراجل وتوكل على الله وزى مقال خوى مهند ربى يفرجها ان شاء الله

[الغزالة]

وعليكم السلام مشكور لي اخد ارائنا اخي ليبيا اول شئ الايجار ليس حل وكان تبي الكلام المعقول تحصل علي بيت اولوما فيه حد يقبل انه بنته تتزوج وما عنده بيت وخاصة في وقتنا هذاواول ما تتقدم لي بنت يسالك سؤال هل لديك بيت ؟؟هو كان تقوللها نسكنك فوق هلي تقولك لا لابين مافيه بيتالمهم السؤال الذي يطرح نفسه:- انت هل لديك استطاعة ان تشتري بيت ؟؟؟المهم امك اكيد تفكر بما انك مسافر تقول خلي نزوجه خير من يتزوج وحدة من الخارج وياريت تتقبل رايئ بكل سعة صدر

[مهند2010]

مقدمك ياغزاله عارفه توا ايقولك اتزوج وإسكن عندنا نعرف اصحاب واقرباء ساكنين مع نساباتهم توا غير تعال
تكلم تحصل

[wahat]

خوذها مني


استخير ربك


مش رح تلاقي حد ينفعك الا هو

[الغزالة]

لالالالالالالالالالا بلاش منه بكل نقعد في بيت هلي افضلي ترا قولي شن هو مقدمي ؟؟؟ المهم هذا مو موضوعنا اخي ليبيا طالب ارائنا فقط

[نغم]

السلام عليكم

والله انا رأي ان الزواج نصف الدين توكل علي الله أخي ليبيا وتزوج


وربي يفتحها عليك ويعطيك مافي بالك (الأجار مش مشكلة)

[دمعة سبها]

والله يااخ ليبيا كان تبي رأي

اصب لين تتحصل علي بيت بيش ماحد يدلك ولايتشرط عليك وكان في الاول بتتحمل في الاخير بتمل وبعدين انت قداش بتتحمل اجار ولا بناء الاجار في وقتنا يكوي كوي

وفي الاخير كله بمشيئة الله

[ليبيا]

والله يا جماعه أحترت وزي ما يقولوا اصحابي (بيت الحلال مرزوق) وناس ثانيه تقولك صعبة الشقة لأن أقل شقة في البيضاء 65 ألف دينار ...
يا أختي الغزالة رد على سؤالك وضع الشاب الليبي العادي البسيط مستحيل يعني مرتبي 300 دينار وين نبي نحصل 65 ألف مستحيل ......... عصابات البلاد حتى الشقق نحقوا فيهم يبنوا وما نحصلوا ..
ومازلت حاير ياجماعة نبي رأي منك بكل صدق وحطوا نفسكم مكاني أما على العائلات يقولوا تعال وفكي عليا من البنت خوذها بدبشها توا

[wahat]

يا ليبيا

بصدق ودنا نحن نساعدوك وبشتي الوسائل

اصلا خلاص نحن تو عائلة واحدة وكل منا يساعد اخو او اختة

لكن في نضرك الشقة 65 الف كيف نقدرو نساعدوك

حتى ولو قتلك تعال هنا في الواحات وانا انأمنلك سكن

انكون قد كذبت عليك لان الشقة هنا اقل وحدة بي 50 الف

يعني 15 الف الواحد ما يتغربش علشانهن ويهجر اهلة

لكن اعتقد ان فكرة الايجار اكويسة

بس ليست حل نهائي

زي ما يقولو

نين ايفرجها ربي

[دريد]

والله المشكلة مش فى البنت
المشكلة فى البيت .....الشقة غالية وحتى الايجار مش رخيص قياساً على المرتب هذا لو كان فيه مرتب .
معقولة ايجار شقة فى ارياف الزاوية 200 دينار فى الشهر.
الله المستعان وربى يسهل

نحمد ربى تزوجت واستريحت

[ليبيا]

ربكم ايفرجها

[الغزالة]

والله هو شئ محير بعض الشئ_


والله البيت صعب والا يجار اصعب منه حتي ولو قلت انأجر شهر شهرين بعدين المسؤليات_


بتكتر يوم بعد يو م وانت اكيد فاهم قصدي_


يعني من الاخير حتي الايجار ليس حل_


انت بمرتبك هذا ايجار ومصاريف قداش منه وين بيمشو 300 وكم رح توفر منه_


يعني لو تزوجت رح تزيد المسؤلية ورح يصعب اكتر شراء الشقة_




وهذا راي

[لمعة الماسه]

من رئي يا استاذ ليبيا توكل على الله وتزوج .....

(( خذوهم فقراء يغنيهم الله ))

تزوج وربي يفتح عليك .......

[Lprince medo]

ا
كيف حالكم جميعا
اما الزواج فى هذا الوقت وبالإيجار صعب يعنى
أقولك أفضل رأى أخوى ليبيا صلى صلاة استخارة
والخيرة فيما إختاره الله

[wahat]

شنو قرارت

[باقي امل]

أخي الأستاذ ليبيا
انصحك نصيحه لوجه الله ومع إحترامي لرأي والدتك

أن لاتتخذ قرارك في الزواج إلا إذا كنت مستعد أتم الإستعداد
وخاصة مسألة البيت
وشيء معروف أي شاب عند الزواج لازم يستأجر شقه
لكن أهم شيء يكون عنده الماده((أي مبلغ معين يعينه على الزواج وتكاليفه))
أنت توكل على الله وربي يعينك


لاتنسى تعزمنا
هذا أهم شي


ومقدما ألف مبروك

:rolleyes: :rolleyes: :rolleyes: :rolleyes: :rolleyes:

[ليبيا]

وعليكم السلام ورحمة الله وبركاته


الزواج اولا نصف الدين وتانى شى اكيد تتزوج خير باش تلقى من يهتم بيك فى سوريا واكيد مادام الام تلح فياريت تلبي طلبا ....هدا كلامى الرسمى

نجو للجو خخخخخخخخ امك عارفتك ماشى لسوريا وبنات غادى مشاء الله قالت خن زوجه خير متزيع عينه وروح وجايبلى بنت منعرفوش نتفاهمو معهااا وشادين فى ردها كمشه صغار ههههههه


اسمع كلام امك انت شن عرف الى تعرفه هى
وربى يخليهالك ان شاء الله


والف الف الف مبروك مقدماااااا ها متنساش تعزمنا خخخخخخخخخ

والله يا علي توا كيف قريت رد كويس والحاجة شكلها هضا ما يقولها عقلها ههههههههههههههههههه
بعد تفكير طويل وعدم نوم وحسبت المرتب والتفتوفه
أخوتي الأعضاء ،،
أما بالنسبة للقرارات التي قررتها كالتالي :
أني ندور بنت حلال أولاً وتعجبني كدين كشكل وطبع وخلق وأهل .. وأحتمال حصلت لكن مازلنا في شويت معلومات نبيهن أكثر عليهن وهي توا تدرس في (الماجستير) في البيضاء ..
ثانياً نقرأ فاتحة لمدة سنة نصف أو سنتين .. وبعد الفاتحة مباشرة نمشي نكمل القراية الغبره في ماليزيا .. ونرد إلي ليبيا نلقاه مكمله قرايه وأنا مكمل قرايه .. ونتوكل على الله ونتزوج ..
وقبل ما نأخذ أي قرار أهم حاجة عندي القبول في ماليزيا يعني يقبلوني نقرأ نقرأ فاتحة ما يقبلوني أنخليه (إلي حين اشعار أخر) لان موش مستعد نحط الفلوس في فاتحة وهدايا ومناسبات ونلقا فلوسي راحنا في غراميات والقرايه ما صار شيء ..

وحقك عليا يا باقي أمل الكرت يوصلك لعند السعودية ((كلمة راجل)) بس تجي تشرفيني ..

شن رأيكم شن رأيكم شن رأيكم شن رأيكم شن رأيكم شن رأيكم شن رأيكم شن رأيكم

[باقي امل]

مشكووووووووووور على الدعوه أستاذ ليبيا

[الفلاح]

برا اتزوج ياراجل فاش تستنى

[الغزالة]

والله حتي هذا الحل صعب شوي



لكن اللي يريحك



موفق

[احمد السويفى]

:rolleyes: انا اعلم ان الله متمم لحلاله فتوكل على الله فان الله يرزقك من حيث لاتحتسب

[ابضاى]

300 200 ايجار الباقى 100 والله مشكلة ربى يعينك

[المسعودي]

والله ياجماعة كان اعتمادنا على مقوماتنا المادية والاقتصادية راهوا (هجينا ) فلا يخفى على احد معاناة الشاب الليبي بداية من المرتب مروراً بتوفير السكن وانتهاءً بمصاريف الفرح باستثناء المهر !
ولله الحمد الثقة بالله والتوكل عليه هي مفتاح الغنى خاصة اذا كان القصد طيب وحلال ولكن الاستعداد ودراسة الامكانيات وتقدير الامور بشكل متزن وعقلاني امر محمود العاقبة .
...اخي العزيز اعقلها وتوكل.. اي ادرس امكانياتك ومقوماتك المادية (توفر سكن مناسب - مركوب- دخل شهري يكفيك) وقبل هذا وذاك بنت الحلال !
على كل حال ربي يوفقك ويعينك وراك تنسانا مالعزومة!؟ (حطها معا المصاريف)؟

[ليبيا]

والله يا المسعودي خلاص راحت علينا ،، قاعد برا نقرأ .. نلحقوا على الزواج

[الجميلة]

والله بعد شفت الموضوع طالع


سحبتك تزوجت

[ليبيا]

والله بعد شفت الموضوع طالع


سحبتك تزوجت

هههههههههههههههههههههه لا وين أزوجت ...

[نجمة الصباح]

والله اني مع اخي مهند في نصيحة بره اتزوج

[المتميز2020]

السلام عليكم ___:رضا الله ثم رضا الوالدين كل شئ الا زعل الوالدين توكل علي الله (تزوجو فقراء يغنيكم الله)

[ليبيا]

فعلاً أخي المتميز ،، خلينا نكملوا الدراسة ونروح وبعدها ربك كريم

[الوصال]

يا أخي ليبيا كل شئ قسمة ونصيب وما تأخد غير نصيبك
فأذا عزمت فتوكل علي الله
لوكان تسمع كلامي كمل دراستك
والزوج لاحق عليه

[ليبيا]

شكراً يا الوصال .. وفعلاً هذا ما أقوم به الآن ..

[السنفور]

توكل علي الله ... من توكل علي الله فهو حسبه
رأيك ورأي أمك خليهم أول شي ... رضي حتي أمك يا زعيم ... والوقت هادا الجواز ستره
ومني اني ... أنقولك خودي رأي أمك ومستحيل أنك تندم وراح تنفتح في وجهك
وشكرا لك علي الموضوع
تحيه طيبه لك

[عزمي]

يــاخــوي ليبيــا أنــا مــن راي لــو مــوصلتــــش 45 سنة وســع
[Only Registered Users Can See Links] بـــــــــالـــــــــك [Only Registered Users Can See Links]

[الشاطي]

يا خوي خليك مع موضة هذه الايام
دورلك اول قرار ايفاديصدر و شوف ومنها تقتصد فى مصاريف الفرح و منها تفتك من الايجار و غــــيره ومنها تكمل دراستك على حساب الحاكم و 2 ماجستير خير من 1 و منها بعد ثلاث سنوات يصبح مرتبك انت و هى 2500 دينار و مرات كان كوزك قوي تحصل شقة على حساب الجامعة ومنها ومنها...
وهكي انت كملت العصافير من الشجرة و كله فى طاعة الله و الولدين

50 دولار ثمن الفكرة قابل حتى بالتقسيط

[Only Registered Users Can See Links] ([Only Registered Users Can See Links])

[الشاطي]

يــاخــوي ليبيــا أنــا مــن راي لــو مــوصلتــــش 45 سنة وســع
[Only Registered Users Can See Links] بـــــــــالـــــــــك [Only Registered Users Can See Links]

يا خوي عزمي لاه تختل فى الراجل بعد 45 يكون هرم زي خونا اللى فى الصورة لاعاد و لاعاد ؟

[/URL][URL="[Only Registered Users Can See Links]"][Only Registered Users Can See Links] ([Only Registered Users Can See Links])

[الرميح]

الرسول الكريم عليه السلام قال من استطع منكم الزواج فليتزوج ومن لم يستطع عليه بالصوم عاد انت تو شوف روحك تقدر تفتح بيت وتصرف عليه او لا وامك خودها بالكلمة الطيبه وطيب خاطرها ولا تتقدم على هده الخطوه الا ان تكون مستعد لها ونصيحتى لك رد بالك تتزوج مع اهلك برى اخدم على راسك قبل وخلى فكرة الزواج هى الاخيره تمنياتى لك بالتوفيق

[wahat]

يــاخــوي ليبيــا أنــا مــن راي لــو مــوصلتــــش 45 سنة وســع
[Only Registered Users Can See Links] بـــــــــالـــــــــك [Only Registered Users Can See Links]


انا معاك 100%

[إدغام]

أذ كنت قد المسؤلية ...توكل على الله
أذ لا خليك لعند يفرج ربي
ودي و تحياتي

[المسبب]

نصىحتى ليك اذا كنت اصغر من 35 سنة زيد اصبر شويا والا زماكالك الشاطى برا دورلك على طفلة عندها ايفاد خارج ليبيا واضرب عصافير الدنيا كلها وبعدين روح لليبيا اذا كانت مرا باهية استمر معها وكانها متخريطة طلكها عشششششششششششششششششششششششرة طلقات وعيش حياتك