((وجهة نظر وأختلاف الرأى ؟؟؟من تؤيد ))

[li@]

بسم الله الرحمن الرحيم
السلام عليكم ورحمة الله وبركاته

الحلقه الاولى من برنامج :: ((وجهة نظر وأختلاف الرأى ؟؟؟من تؤيد ))

آخى الكريم اختى الكريمة ,هل للمعاكسات تاريخ حافل على مره السنين ,أم صارت ضاهره اخدت حقها في السنوات الثلاثين الاخيره ,هل أصبحت المعاكسات شيا ضروريا في حيتانا اليوميه ,أم هناك شيا في أنفسنا يجعلنا نهتم لهذه الضاهره الغريبه ,أم غريزة مكومه في نفس الإنسان ,أم تنتج عن قله الاحترام وعدم التربية الصحيحة !
سؤال يطرح نفسه
:ْهل أصبح يوم الخميس يوما مخصصا للمعاكسات من أيام الأسبوع لشعب الليبي ؟
:هل اصبح الطريق العام ((طريق الشط )) ملتقى لممارسه هذه الضاهره ؟
:وهل اصبح واصبح واصبح ؟
ومن واقع ما رأينها في المجتمع الليبي من مشاكل نختلف عن بعضنا في تسميتها ,فمنا من يعتبرها مشكلة ومنا من يعتبرها شي عادى

هنا جال بخاطري أعزائي ألأعضاء , أن أضع هذا الموضوع بين أيدكم لأحاكي بعض الأمور التي يمر بها المجتمع في يومنا هذا كي نناقش بعضنا البعض .سعيا منا إلى التعريف بالمشكلة والتركيز على النقاط الرئيسية للحصول على ثمرة الخلاصة
فنحن هنا في هذا الصرح نكون المجتمع ككل ,فكل عضو منا فرد في المجتمع وهو بذات الوقت يكون مجتمعا بذاته (( يعكس نظرة مجتمعه الذي يعيش فيه)
فمنا الشاب ,ومنا الفتاة, ومنا الأب ,ومنا الأم ,منا المعلم ,ومنا الطلب ,منا الطبيب ومنا المهندس ومنا ومنا ومنا... الخ
إذا اعرض عليكم هده القضية للناقش ونتحاور معا ولو ببعض النقاط ,كي نوصل إلى ماهو مفيد لحل هده آلافه...

كاتبا هذه الحلقة ..li@ ..و ؟؟؟؟؟؟

[مهند2010]

مشكوره عليوه علي طرح هدا الموضوع

وسببه الوحيد هو ابتعادنا علي الدين الاسلامي الحنيف
واصبح الجميع يجري وراء الشهوات والنزوات الشيطانيه

باإسم الحب والعشق والغرام وعندما يقف علي طريق الشط هده قمة الرومانسيه الشاعريه
عند الشباب واصبحت هده المناظر المخله قمة التطور الشاب في اتجاه من حبيبته
واخته في الناحيه الاخري من عشيقها ولا احد يعلم بالتاني

ان كان الاب يسأل في بناته لاميس ولدت ولامزال وان كانت الام تبكي مهند طلق نور

وعندما سألت اخي علي عن الاب والام والاستاد لم تسأل علي المهم وهيا الدوله لمادا غيبت شرطة الاداب لوكل فتاة تمسك مع شخص ويستدعوا ابائها اواخوتها ستنقص هده الظاهره

[wahat]

زي ما قال مهند

السبب الرايسي هو البعد ولا بتعاد على ديننا الحنيف واخلاق الاسلام

والسبب التاني هو التربية السياية من الاوليا الامور من للاولاد والفتيات

وعدم الاهتمام بهم اين ولمن يدهبون ويخالطون

وكيف يقضون يومهم

ولي رجعة تانية اخي تانية وثالتة للموضوع فهو حقا موضوع يستحق منا الاهثمام والنقاش الجاد والجاد

[الغزالة]

مشكور يا اخي عليوه علي الطرح الجميل



وهذا الرد علي الحلقة الاوليه هههههههه



المهم هذه ظاهره خطيرة جدا جدا بمعني الكلمة



سبب هذه المعاكسات اول شئ الابتعاد عن الدين واخلاقه وما ينفي وما ينهي



والمعاكسات سببها الشباب والبنات الكل يشارك فيه بصفة عامة



والمعاكسات ليس لديها يوم محدد هم الشباب حتي في (الشهر الفضيل ) تعاكس مابعد



هكي عاد وصحيح هذا الشئ يكتر في طريق الشط بالتحديد المضايقة حتي في السيارة



مش مريحينك وجنبك باتك لا محترمين صغير لا كبير



هم حميها حرميها حتي شرطة الاداب احرف منهم مافيه




_ هذا موقف صايرلي (( ههههههههه )) :-




انا يومها مروحة من المعهد للبيت في الطريق شيباني يعاكس فيا ما بعد هكي عاد





ولي عودة من جديدان شاء الله لتكملت النقاش


تحياتي الغزالة

[مهند2010]

مشكور يا اخي عليوه علي الطرح الجميل



وهذا الرد علي الحلقة الاوليه هههههههه



المهم هذه ظاهره خطيرة جدا جدا بمعني الكلمة



سبب هذه المعاكسات اول شئ الابتعاد عن الدين واخلاقه وما ينفي وما ينهي



والمعاكسات سببها الشباب والبنات الكل يشارك فيه بصفة عامة



والمعاكسات ليس لديها يوم محدد هم الشباب حتي في (الشهر الفضيل ) تعاكس مابعد



هكي عاد وصحيح هذا الشئ يكتر في طريق الشط بالتحديد المضايقة حتي في السيارة



مش مريحينك وجنبك باتك لا محترمين صغير لا كبير



هم حميها حرميها حتي شرطة الاداب احرف منهم مافيه




_ هذا موقف صايرلي (( ههههههههه )) :-




انا يومها مروحة من المعهد للبيت في الطريق شيباني يعاكس فيا ما بعد هكي عاد





ولي عودة من جديدان شاء الله لتكملت النقاش


تحياتي الغزالة

يقول رسول الله صلي الله عليه وسلم (إتقوا الشبهات )

اصلا انتي شن رفعك لي طريق الشط معروفه من الجميع

اما بخصوص شرطة الاداب ان وجدوا اي وحده في مكان مشبوه تستاهل ما يجري لها

عندك علم اي فتاة محتشمه في لباسها وحركاتها ومؤدبه لايستطيع اي شاب رفع عينه عليها لاأنه لاينظر فيها الا أخته او أمه

اما المايلات الموميلات
هم الدين يبحثون عن هده الاشياء في بنات هواتهم الازدحام ان كانت ايفكو ان كان ممر ضيق في سوق مستشفيات جرادين الحديقه

اما بخصوص الشيباين عندهم حق ايشوفوا في شئ انحرموا منه في إيامهم

وربنا يهدي شبابنا وبناتنا

[الغزالة]

من قالت اني انا مشيت للطريق الشط يا مهند وانا خاطمه بالسيارة نشوف فيهم عن بعد


انا اصلا ما نمش لهذه الاماكن


وشن قصدك :


اما بخصوص الشيباين عندهم حق ايشوفوا في شئ انحرموا منه في إيامهم



ما بخصوص الايفكو عمري ما ركبتها وان شاء الله ما نركبها قول: (( اميييين ))


سلم باتي اللي ما خلاني نركب في ايفكو

[مهند2010]

انا لم اقصدك انتي بالتحديد انا اقصد كل من يمشي الي هده الاماكن ومن يهوي الزحمه اما بخصوص الشايب زمان لم يكن في جيله فتاة عمرها 14سنة تضع المكياج علي وجهها ولا العدسات اللاصقه ولا الملابس الغير محتشمه في عهدهم كانت الفتاة من عمر 12 سنة تلبس رداء وتمنع عنها حتي ( الحنه) ولا قص الشعر ولا لبس البنطولونات ولاتخرج من البيت الا وقت زواجها . كانت هناك حشمة والخوف من الله
هكدا عاشت امي وامك وشكرا اختي

[الجميلة]

اولا :- مشكور اخي (( علي )) علي طرح الموضوعوالله بعد ماشفت بعض الاراء وسمعت وجهة النظرحبيت نظيف ان هده المشكلة قد تكون من الفراغتلقاه ((امكبش)) في البالو ((عمود الضي))او وينهناك بنت يتلقاها بباقة كلام ((لايقال))والمشكلة او الكارتة الكبيرة ان البنت تلقاها فرحانة بيه بدلما تستحي من نفسها في تلك اللحظة تلقاهاتضحك ومرات حتي تسايره في الكلام واللهشن بنقول لا نقول والله العظيم عار نشوف فيه كل يوم في الشارع ما يسحاب اللي يديرفيه في بنات الناس يلقاه في خوتة والا صغارةمستقبلا ,والله بنت عمرها 11 ايعاكسوا فيهاوالغزايز كارتة ,مالا ولد عمرة في 1 ابتدائيايعاكس ويقول نبي نستقر عار عار ايديروا فيهاو تلقوا اماليه فرحانين ويعاودوا في الكلاموالاحلا اللي تسأله امه وين كنت الصبح ايقوللها في التانوية البنات ((اناشب)) بعد هكي شن فيهبالله قوليلي , وتنقلب الادوار الان البنات هما اللي يناشبوازمان البنت امتي يكلمها ولد تحمر خجلا وتوا تقهقه فرحاوالا تلقاها هي باعتتله رقم هاتفها خلاص معاد فيه حيي.

[Lprince medo]

وعليكم السلام ورحمة الله
شكرا عزيزى على على هذا الموضوع
اما المعاكاسات فهى ليس لها مكان أو زمان محدد تحدث فى جميع الأماكن والأوقات والسبب الرأيسى من وجهة نظرى هو غياب الرقامة وعدم تربية الأبناء على السيرة المحمدية
ومن يفعل مثل هذا العمل اعتقد انه يعانى نقص أو فراغ عاطفى
والمشكلة هى انهم نسوا أن الله موجود
وأنا أريد أن أعرف ماهو الذى يستفيذونه من هذه المعاكسات
سوى تضيع لوقتهم بأشياء تافهة
وأعتقد ان الذى يقوم بهذا العمل هو شخص مهرج يقوم بأشياء تقلل من هيبته وشخصيته لإرضاء فتاه
وهذه الفتاه لا تلقى له بالا
وعندما ترد عليه برد لا يعجبه
ستتفاجأ بتحول الشاب الذى كان يقول الكلام المعسول إلى وحش يلقى السموم على تلك الفتاة لإنها لم تتجاوب معه

اللهم إنا نسألك الإخلاص فى القول والعمل ونعوذ بك من شرور انفسنا وسيئات أعمالنا
اللهم أهدى شباب وبنات هذه الأمة
اللهم إن لم نكن أهلا لرحمتك فرحمتك أهل بأن تصل إلى العصاة أمثالنا
اللهم إنا عبادك نقف على بابك إن لم تهدنا فمن يهدنا سواك
وانت أرحم الراحمين
اللهم إنا نسألك
وصلى اللهم وسلم وبارك
على سيدنا وحبيبنا محمد صلى الله عليه وسلم وعلى آله وصحبه اجمعين
وسبحانك رب العزة عما يصفون وسلام على المرسلين
والحمد لله ربى العالمين

[Lprince medo]

وعليكم السلام ورحمة الله
شكرا عزيزى على على هذا الموضوع
اما المعاكاسات فهى ليس لها مكان أو زمان محدد تحدث فى جميع الأماكن والأوقات والسبب الرأيسى من وجهة نظرى هو غياب الرقامة وعدم تربية الأبناء على السيرة المحمدية
ومن يفعل مثل هذا العمل اعتقد انه يعانى نقص أو فراغ عاطفى
والمشكلة هى انهم نسوا أن الله موجود
وأنا أريد أن أعرف ماهو الذى يستفيذونه من هذه المعاكسات
سوى تضيع لوقتهم بأشياء تافهة
وأعتقد ان الذى يقوم بهذا العمل هو شخص مهرج يقوم بأشياء تقلل من هيبته وشخصيته لإرضاء فتاه
وهذه الفتاه لا تلقى له بالا
وعندما ترد عليه برد لا يعجبه
ستتفاجأ بتحول الشاب الذى كان يقول الكلام المعسول إلى وحش يلقى السموم على تلك الفتاة لإنها لم تتجاوب معه

اللهم إنا نسألك الإخلاص فى القول والعمل ونعوذ بك من شرور انفسنا وسيئات أعمالنا
اللهم أهدى شباب وبنات هذه الأمة
اللهم إن لم نكن أهلا لرحمتك فرحمتك أهل بأن تصل إلى العصاة أمثالنا
اللهم إنا عبادك نقف على بابك إن لم تهدنا فمن يهدنا سواك
وانت أرحم الراحمين
اللهم إنا نسألك
وصلى اللهم وسلم وبارك
على سيدنا وحبيبنا محمد صلى الله عليه وسلم وعلى آله وصحبه اجمعين
وسبحانك رب العزة عما يصفون وسلام على المرسلين
والحمد لله ربى العالمين

[Lprince medo]

وعليكم السلام ورحمة الله
شكرا عزيزى على على هذا الموضوع
اما المعاكاسات فهى ليس لها مكان أو زمان محدد تحدث فى جميع الأماكن والأوقات والسبب الرأيسى من وجهة نظرى هو غياب الرقامة وعدم تربية الأبناء على السيرة المحمدية
ومن يفعل مثل هذا العمل اعتقد انه يعانى نقص أو فراغ عاطفى
والمشكلة هى انهم نسوا أن الله موجود
وأنا أريد أن أعرف ماهو الذى يستفيذونه من هذه المعاكسات
سوى تضيع لوقتهم بأشياء تافهة
وأعتقد ان الذى يقوم بهذا العمل هو شخص مهرج يقوم بأشياء تقلل من هيبته وشخصيته لإرضاء فتاه
وهذه الفتاه لا تلقى له بالا
وعندما ترد عليه برد لا يعجبه
ستتفاجأ بتحول الشاب الذى كان يقول الكلام المعسول إلى وحش يلقى السموم على تلك الفتاة لإنها لم تتجاوب معه

اللهم إنا نسألك الإخلاص فى القول والعمل ونعوذ بك من شرور انفسنا وسيئات أعمالنا
اللهم أهدى شباب وبنات هذه الأمة
اللهم إن لم نكن أهلا لرحمتك فرحمتك أهل بأن تصل إلى العصاة أمثالنا
اللهم إنا عبادك نقف على بابك إن لم تهدنا فمن يهدنا سواك
وانت أرحم الراحمين
اللهم إنا نسألك
وصلى اللهم وسلم وبارك
على سيدنا وحبيبنا محمد صلى الله عليه وسلم وعلى آله وصحبه اجمعين
وسبحانك رب العزة عما يصفون وسلام على المرسلين
والحمد لله ربى العالمين

[wahat]

الحق يقال

ان الظاهرة هذة موش مزبوطة وموش مقبولة نهايا

وياريت يكون الاحترام والتقدير في الشارع هو السايد

لما الواحد ايصبي في الشارع يتخيل ان الفتاة المارة جنبة او بالقرب منه هي اختة شقيقتة

ولا يتحمل فيها اي شي

وايضا الفتاة عندما تخرج الى الشارع

تخرج محتشمة لابسة لاباس محترم

وتبتعد على الموضى والمساحيق الاخري

[الجميلة]

كلام صحيح 100% وكلام عقال لكن ما فيه من يدير هالكلام وياليت يصير هكي علي الاقل الواحد يبدا طالع او واخد راحتهمش يبدا طالع او خايف لا حد يكلمةيطيح في مشكلة مع هله وللحديت بقية ومشكورين علي التفاعل والسعي لحل هده المشكلة

[ليبيا]

الموضوع من نظرتي الشخصية له عدة أسباب أهمها هي :
أعتقد يتعلق بالدين والتربية والمجتمع والدولة ((مشاكل الزواج)) والمراهق أيضاً تلعب دور هام ..

[wahat]

انا انريد نسالكم سوال

هذة الايام تلقا الفتييات متخمرات ولبسات لبس اسود ومتحجبات لااخر درجة

حتى الايدين تلقاهن فيهن قونتيات ( قفازات)

يعني كيف كيف الشاب يتعرف علي البنت هلي يبي يتزوجها وهو ما شافش منها حتى حاجة ظاهرة

يعني كله مخفي

طبعا اخي علي الشئ لشئ يدكر

صحيح انا اطلعت من الموضوع شوية بس اعتقد انه له علاقة ببعض

وياريت نلقو حل لهدة المشاكل او المشاكل

[li@]

السلام عليكم ورحمة الله وبركاته


طبعا سامحونى مرديتش على كل عضو حبيت انخليكم على راحتكم ....

نضرتى انى هى انه صارت شى عادى جدا جدا جدا وبدات فى ليبيا والبنات ليهم دور كبير فى المشكله هادى تلقاه لابساء لبس دقول لبنانيه وحاطه هداك المكياج دقول اليسا عندها حفله كيف تبو الشباب ميعاكسوش وتانى شى عار صاير فى الجمعات توا البنت والشاب يمشو الجمعات ميقروش يعاكسو بس وتروح الحوش تقله امها شنى بنيتى قريتى دقلها طبعاااا
الصراحه اصبحت وباء


مهند قال ان الابتعاد عن الدين ساعد فى ثكاتر هده الضاهره بالفعل حتى تلقاه ايصلى ونفس الوقت يعاكس شن بيقول الواحد وبرو اخطمو بس فى طريق الشط وين كان مصيف سندباد تلقو كل اتنين مقعمزين ويهدرزو والشرطه واقفه تتفرج ولا على بالها على بالهم حضاره يقولك خلى البلاد تطور

وبالفعل يا وحااااات الاهل يجيبو ويربى الشارع وتلقاه عيل قاعد بشماله ويعاكس وخوته الكبار يعلمو فيه ((عليك ربايه)) وبعدين البنت لو طلعت محترمه لاحاطه مكياج ولا لابسا لبس هه وساكتا وراسها لوطه يتحشم الى بيعاكسها

وانى متاكد يا الغزاله انك تتعاكسى كل ما تطلعى برا من الحوش عاد شنى بتلقيهم فى البلواط دقولى خفافيش والمشكله كانك سكتى بيقولو ((هدى شددت )) وكانك رديتى عليهم بيقولو مش متربيا وتسمعى منهم عاد الخارت

والجميله صدفت لما قالت انه البنت تفرح تى لها سعتين تمكيج وتتششور فى شعرها وعام باش تختار اللبسا الى بطلع فيها علاش هدا كله على خاطر تبى معاكسه على اصول
توا لاعاد يعرفو لاكبير ولا صغير والله مرات بصغارها ويعاكسو فيها عااااار والله عاااار شى يحرق الدم

ميدو توه تقوله حرام عليك الى دير فيه يقولك تى توا وينه الحلال ((ترجمه)) ايه تلقاه قريب يلبس لبس المهرج غر باش البنت تضحك وينهم الرجاله تو الى قبل وين يسمع صوت بنت او مراه يخش يجرى متحشم وان شاء الله ربى يهدى ان شاء الله


بالله يا ليبيا تى حتى المتزوجين تلقاهم بصاحباتهم توا ويعاكس فى الماره باهى المراهقه سن معينا لكن الشيابين توا يعاكسو اكثر من المراهقين

[li@]

يا واحات الى يبى يخطب يخطب بنت لابسا مشحط وشعر مطلوق والوجه كله ستوك تى ماهو امه او اخته اتجيبله صورتها عجباته باهى معجبتاش باهى وتو الملتزمه تبى ملتزم والماتزم يبى ماتزمه وهدى وجهت نظرى

[wahat]

باهي يا علي


انت وباقي الاعضاء

شنو هو الحل في رايك

نقعدو نتفرجو بس


ماهوووووووووووووووووووووووووووو الحل

[li@]

خخخخخخخخخخخخخخخخخ سخنت فيك شويا يا واحات سمحنا ههههههههههههههه

[li@]

بسم الله الرحمن الرحيم
السلام عليكم ورحمة الله وبركاته

الحل يا واحات انه يكون لشرطه الاداب دور فعال لمواجهت هده الضاهره وانها تتحرك وتواجد تتحديدا فى المناطق المشبوها ودير مخلافات لكل من يقوم بالمعاكسات زى مادرات المده الماضيه مخالفه ماليه وقدرها 500 دينار لشباب الى ينزلو فى سراويلهم على اساس موضه توا الشباب الى كان يتبع فى هدى الموضه تشبحه سرواله مشنقله قريب يوصل لرقبته خخخخخخ خايف من المخالفه والناس تحترم نفسها ويكون فيه رقابه من الاب والام على الابناء والفتياة يحترمو نفسهم وشباب كمان والبنت الى لابساء لبس مش محترم تتخالف من قبل الشرطه ....هذا الحل فى نظرى

[wahat]

يا اخي علي




صحيح ان الناس هذة الايام اتخاف ولا تتحشم

يعني الشرطة تقلل من هذة الظاهرة ولكن لا تقطي عليها

وانا انريد انوطحلك ان الحل في رائ

هو بالعمل الجاد من الجميع للقظاء

ويبدا من الام والاب والمعلم والمعلمة

من شيوخنا الافاضل من خطباء المساجد

توعية شاملة كاملة

توعية في كافة المنتديات واولهم التواصل

توعية من اعضاء المنتديات

واخير نشكرك يا علي على هذا النقاش
كما اشكر كل من كانت له غيرة على ابناء بلدة وشارك في النقاش
ونقول لهم ان باب النقاش مازل مفتوحا لايجاد الحلول

[الجميلة]

والله كلام معقول يا علي وكانك ابتحكي علي موضة السراويل الطايحة

اللي علي اساس موضة والله العظيم عار تتحشم حتي ترفع راسك

ويقابلك منظر مش محترم شن بعد تبدا تشبح في جلدة اتقول امدايره

عرض شن بنقول لنقول خلوني ساكته وخلاص.

وتوا انتم قعدين اتقولوا المعاكسات من البنات والله البنت حتي وهي

لابسة عباية ايعاكسوا فيها توا شن بتقولوا لبس محتشم ولا مستحضرات

تجميل من شني توا ؟

[دمعة سبها]

اولا ياعلي نبي نشكرك علي طرح هده المشكلة.
والله لاحضت انه جميعكم تتكلمو علي الشرطة ((مانبي نضلم حد)) لكنالاغلبيا يديرو فيها هالاشياء ماهناك بنت مارة من بحداه الا ايفصلها من فوق لتحت ويبصبص حاميها حرميها نصهم تلقاهم كل يوم اتجيهم وحدة شكل في مكان العمل ومقعمز ايدق في الحنك ومايندري علي الدنيا منين زارقة ويقولك هدوما شبلب خلي ايعيشوا حياتهم توا ولا امتا بيعيشوا وخودولكم من هالدوة .........
وانا هالشئ حاصل امامي مع كامل الاسف
************************************************** ***************
ولاكان طالب يعاكس في الثانوية ويدوروله استدعاء ولي امر ايجي باته ولاامه ويقولولهم هدا ولدي انا وهكي نبيه وراضي بلي ايديره بعد هدا كله شن تبيهم ايديرو
************************************************** ***************
ولاواحد تلقي ولده طوله ويعاكس وامتي يخطم واحد ويقوله لما انقول لولده يعفس ميتين ماتلقا الا الغبرة وراه وريحة عجل السيارة هدا شن بنقولو عليه خايف من ولده ومش خايف من ربه ((سبحان الله))!!
************************************************** *************
شن بنقول وشن بنخلي اللي هدا يبي يربي صغاره علي طريقته ومايشوف لقيم الاسلام ولايخاف من عقاب الله!
************************************************** ************
ولي عودة بأدن الله

[wahat]

يا دمعة سبها ويا الجميلة

صحيح ان هل وقت فية هلي يستغل في مهنتة ومكان عملة في اشياء لا اخلاقية ابدا

وصحيح ان في بعض اولاياء الامور يساعدو ويسهلو لابنائهم مثل هدة الضواهر

لكن لازم من حل

لزم من وقفة جادة

وهلي عندة حل او شاف مشكلة يطرحها لنا هنا

لكي نناقش فيها ونتحاور



نحن الشباب ايضا مررنا بمتل هذة الضواهر في السابق

وخصوصا ايام الدراسة في الاقسام الداخلية

يعني نخرج نتمشى لهدا الغرض فقط لا غير


واكثر الاماكن نقصدها هي اماكن تواجد العائلات طبعا

والاماكن المزدحمة بالمشاة

[li@]

السلام عليكم ورحمة الله وبركاته

اختى الجميله واختى دمعة سبها والله كلامك عال العال باهى شنى بنديرو كان الشرطه احرف من المواطن والاب عنده عادى وراضى على ولده وبنته ايدرو فيه ..الشكوا لله ...
لكن حلوه ما تلقى غير غبرته وراه خخخخخخ

وحااااات مشكور على تفاعلك مع الموضوع

[ريم 83]

السلام عليكم *** بارك الله فيك على الموضوع المميز والدي يستحق منا ان نشارك فيه طبعا من بعد ادنكم *** موضوع المعاكسات منتشر وبشكل ملحوظ وكبير والمشكله الكبرى انه منتشر حتى في اطفالنا للاسف وطبعا هو راجع لعدة اسباب وعلى راسها سوء التربيه ** والابتعاد عن تعاليم ديننا الحنيف ** وقد نستغرب احيانا من بعض المعاكسات على الطرق **يعني الشاب يعاكس الفتاة وينسى ان له اخت في نفس العمر ** او بمعنى اصح ان ماعنده غيره على اهله واللي مافيه خير لاهله مافيه خير للناس الثانيه *** وطبعا هدا راجع لتربية الاسره فعلى الاب والام نصيحة الابناء وتدكيرهم كلما امكن ** والشيىء الثاني هو ظاهرة وقوف الشباب في الطرقات ** يعني مايستقبل ضيفه بالبيت *لا*يستقبله امام الباب وهي ظاهره سلبيه نهانا عنها رسولنا الكريم صلى الله عليه وسلم والمشكله انها منتشره *** يعني الخلاصه يااخي الكريم البركه فينا نحن الشباب لازم نعمل كيد واحده وان ننصح الجميع الاب والام والشاب والفتاة وكل من حولنا وان لانجلس في الطرقات ولنبدا من انفسنا **** والله يستر على الجميع ***ناسف على الاطاله وجزاكم الله الف خير *** تحياتي ريم

[li@]

وعليكم السلام ورحمة الله وبركاته


جزاااك الله الف خير اختى ريم على المداخله الرائعه وابداء رايك لهده المشكله