منظومة التطعيم بالجماهيرية العظمى

[نغم]

جدول التطعيمات بالجماهيرية العظمى



أولا : عند الولادة

نوع التطعيم / رقم الجرعة / المرض

الطعم الواقي من الدرن b.c.g / جرعة عند الولادة / الدرن

طعم شلل الأطفالo.p.v / الجرعة الصفرية / السنجابي (شلل الأطفال)

طعم الألتهاب الكبدي البائي / جرعة عند الولادة / الألتهاب الكبدي البائي
hep.b.v



تانيا: عند عمر الشهرين / وأربعة أشهر / وستة أشهر


1_الطعم الخماسي penta.v.ويشمل:

طعم الألتهاب الكبدي البائيhep.b.v / الألتهاب الكبدي البائي

الطعم الثلاثي البكتيريd.p.t / الخناق/الشاهوق/الكزاز

طعم المستديمة النزلية(ب) hib.v / حمية الأنفلونزا



2_طعم شلل الأطفالo.p.v / السنجابي(شلل الأطفال)




نفس التطعيمات السابقة مقسمة الي جرعات :


1_ في عمر الشهرين / الجرعة الأولي


2_ في عمر الأربع أشهر / الجرعة التانية


3_ في عمر ستة أشهر / الجرعة الثالثة




ثالثا : في عمر 12 شهر (سنة)

الطعم المركب الفيروسيm.m.r / الجرعة الأساسية / الحصبة/النكاف/الحميراء




رابعا : في عمر 18 شهر ( سنة ونصف)

الطعم الثلاثي البكثيريd.p.t / جرعة منشطة / الخناق/الشاهوق/الكزاز

الطعم المركب الفيروسيm.m.r / اعادة تطعيم / الحصبة/النكاف/الحميراء

طعم شلل الأطفالo.p.v / جرعة منشطة / السنجابي(شلل الأطفال)




خامسا : في عمر 6سنوات أو عند دخول المدرسة

الطعم الثنائي البكثيريd.t / جرعة منشطة / الخناق/ الكزاز

طعم شلل الأطفالo.p.v / جرعة منشطة / السنجابي(شلل الأطفال)

الطعم السحائي الرباعيa.c.y.w135 / التهاب السحايا




سادسا : في عمر 12 السنة ( الصف السابع)

طعم شلل الأطفالo.p.v / جرعة منشطة / السنجابي(شلل الأطفال)




سابعا : في عمر 15 السنة ( الصف التاسع )

طعم الكزاز والخناق(جرعة كبار) t.d / جرعة منشطة / الكزاز/الخناق




! التطعيم حق للطفل وواجب علي ولي الأمر

!! التطعيم يحمي الطفل من الأمراض المسببة للوفاة أو الأعاقة

!!! يجب المحافظة علي مواعيد التطعيم والتردد علي المراكز التي يتم التسجيل بها





مكاتب الادارة العامة _ زليتن _ قسم الأمراض المكافحة بالتحصين




مع تمنياتي للجميع بدوام الصحة والعافية

[li@]

صار الواحد ما يوصل عمر 15 حتى يكملوه بالنقب ـهههههههـ مشكورة نغم على الحقن

[ليبيا]

شكراً نغم ........ اللهم احفظ اطفالنا واطفال جميع المسلمين

[نغم]

والله هاد كان تبي تحافظ علي روحك من المرض ياعلي


شكرا لمرورك

[نغم]

أللهم أمين


شكرا ليبيا لمرورك

[wahat]

شكرا اختي العزيزة


وانا نحب ان اضيف اشيا اصبحت عادات لدينا هنا في الواحات

عادات سارة طبعا


وهي ان يوم التطعيم تجد المتطوعين من الاهالي يحطرون العصاير والحلويات والفواكة واللبان

يقدمونها للاطفال

كانة يوم عيد

ويعطونها للطفال حتى يحب الطفل المستشفي ولا يخاف من التطعيم

[نونو]

شكرا ياختى نغم

[العيساوي المغربي]

شكرا على الموضوع المفيد .....وعلى فكرة خوي واحات هذه عادة حضارية %100 .......
انا اتذكر في كندا يقدمو في هدايا للاطفال في عيادة الاسنان علشان ما يخفوش من دكتور الاسنان لاكن عندنا هنا يضربو في الاطفال علشان ما يتحركوش من الكرسي .......حسبي الله ونعم الوكيل

[نغم]

والله فيهم الخير أهل الواحات



بس انتم في المناطق الداخليةأخي واحات أعداد الأطفال قليلة مقارنة بالمدينة

وعندك في الحملة التطعيمية الي بادين فيها توا يوم 14/2/2009/ دايرين ورود حمراء

يقدموا فيها للأطفال واحد يحصل وردة والتاني لا ................. ليش لأنها أعداد كبيرة وهائلة


في النهاية ربي يعاونهم ويعطيهم الصحة حتي علي التطعيمة...............


ومشكورين أعزائي علي المرور

[العيساوي المغربي]

لا ,,,ليس السبب هو عدد الاطفال ......انما السبب هوالناس يديرو في الزحمة لانهم خايفين الامصال أمتاع التطعيم تكمل .....لان الليبين متعودين على الزحمة وحاجتهم ضروري يداعكو عليها ....خوذي مثال :الدعاك اللي على الخبزة اتجي تلاقاها ادعاك بالبوني ,,,,,بعد ساعة اتجي تلقاها فاضية غير تعال أشري ولك الجميل ............الله غالب متعودين علي هكي ؟؟؟؟؟؟؟؟؟؟؟

[نغم]

هم فعلا خايفين من الأمصال تكمل وفي نفس الوقت الأعداد كبيرة


شكلك مامشيتش لأي مجمع في الحملة هاذي اليوم خامس يوم في الحملة


وتقول عليه أول يوم في الحملة ........ والله علي قد مانظموهم مانفع فيهم


الزحمة ضروري منها...... علي قولتك هكي تعودوا...............

[العيساوي المغربي]

انا قاعد في وسط الزحمة ......طبيعة شغلي في مجال الصحة ....التي تحولت في ليبيا الى مرض ..............

[نغم]

اوووووووووووووه

انا نسيت انك صيدلي ؟؟؟؟؟؟؟؟؟؟


كان انت تخدم في مركز صحي أكيد مرت عليك هالزحمة ؟؟؟؟؟؟؟

[العيساوي المغربي]

لا .....أنا حاليا قاعد رأيس قسم الصيدلة والمخازن في مستشفى مدينة البريقة .......لاكن جماعة المراكز الصحية يجوني وياخذو في السرينجات ....وسببو نقص حاد في السرينجات والغريبة أن الصيدلية المركزية فيها سرينجات ....لاكن ايش ادير ......تحب تفهم ادوخ .........
يعني النظام في جيهة والليبين في جيهة.......
ربي يصلح الحال .....
غير يمشو التطعيمات تمام من غير مشاكل ...والباقي كله يهون

[نغم]

والله حسبتك تخدم في مركز صحي ولا صيدلية خاصة تاريتك ماسك كل شي


والله حتي في طرابلس نقص التطعيم علي بعض المراكز لكن الشرنجات لتوه


متوفرة وربك يستر وتكمل الحملة علي خير..........

[مهند2010]

تخاف اديرو زحمه ويصير زي ماصار في بنغازي وايقولكم زرق دكتور فلسطيني وخودو تعويض وربنا يستر

[العيساوي المغربي]

البيب من الاشارة يفهم ...........
ادارة المنتدى تعطي في اوسمة للمشاركات القياسية .......
وانا اليوم بدون اي مجاملات ,اقدم الى مهند وسام الذكاء وقوة الملاحظة ....والله بكل صدق ماشاء الله علي عقلك يامهند ربي يحفظك ,لانك اثبت انك ذكي وتفهمها على الطاير .....
والكلام هذا بدون اي مجاملات

[نغم]

والله مهند معروف يفهمها ع الطاير


شنو أخي العيساوي كملت الحملة علي خير ولا مازال