رغد
28-12-2008, 06:41 AM
سأحاول أن أحدثكم عن خرَّافة مشتهرة ومنتشرة في أدب القصص الليبي وهي خرافة ( أم بسيسي والفار ) والتي كانت جدتي ترويها لنا مسترسلة في سرد أحداثها وكأنها قد حفظتها في مدرسة وعن ظهر قلب .
قعمزت أم بسيسي والفار وقالوا : هيا نزرعوا زي العباد ونديروا مطيره زرع ، وزرعوا وجا زرعهم لمَّاش يمشي فيه الفار للبتَّه ، ووين قرب الزرع من الطياب قالت أم بسيسي للفار هيا نمشوا نحوَّموا الزرع ونشوفوه ، ووين مشوا يحوَّموا في الزرع لقوه ما هناك شي سماح ، غير سبوله تبان على بعد شبح العين .
قالت أم بسيسي للفار مهناش من الزرع غير سبوله أوينها تبان على بعد شبح العين واللي يوصلها ياخذها ، وقمز الفار ينقز ويجري ، وطارت أم بسيسي تفَّر وترفط قدا السبوله ، ووصلها الفار قبل أم بسيسي خطفها ، ونزلت أم بسيسي على فتَّالة الفار وخطفتها ، قال لها : عطيني فتَّالتي راهو نبيها ونطبل بيها فـي لعراس ، قالتله لا ، قعد يجَّدَّى فيها باشْ تعطيه فتَّالته ، وهـي تقول ، لالا ، بعدين قالتله : كان تبِّي فتَّالتك تطبل بيها في لعراس ، جيبلي حليب من العَنْز ، مشَى للعَنْز ، قاللها : يا عَنْز عَطيني حليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قالتله العنز ، لين تجيب لي النبَق من السّدْرة ، مشَى للسّدْرة ، قال لها ، يا سـدْرة عَطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسـي بتعطينـي فتَّالتي باش نطبل بيها في لعراس ، قالت السّدْرة ، لين تجيب لي السَيل من الوادي ، مشَى للوادي ، قال له ، يا وادي عَطيني السَيل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قاله الوادي ، لين تجيب لي زَغْراتات من النَّجع باشْ يزغرتوا على جالتي ، مشَى للنَّجْع ، قال لهم ، يا نَجْـع عَطوني زَغْراتات ، والزّغْراتات للوادي ، والوادي بيعطيني السَيل ، والسَّيل للسّدْرة ، والسّدْرة بتعطيني النبَق ، والنّبق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قال النَّجع ، لين تجيب لي خروف من سارح الغلم ، مشَى للسارح ، قال له ، يا سارح الغلم عَطيني خروف ، والخروف للنَّجْع ، والنَّجع بيعطيني زَغْراتات ، والزّغْراتات للوادي ، والوادي بيعطيني السَيل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قال السارح ، لين تجِيْب لي عصا مـن الخَرُّوبة ، مشَى للخرُّوبة ، قال لها ، يا خَرُّوبة عطيني عصا ، والعصا للسارح ، والسارح بيعطيني خروف ، والخروف للنَّجْع ، والنَّجع بيعطيني زَغْـراتات ، والـزّغْراتات للوادي ، والـوادي بيعطيني السَيـل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قالت له الخَرُّوبة ، لين تجِيْب لي جـرُو مـن الكلبه ، مشَـى للكلبه ، قال لها ، يا كلبه عطيني جرَو ، والجرَو للخَرُّوبة ، والخَرُّوبة بتعطيني عصا ، والعصا للسارح ، والسارح بيعطيني خروف ، والخروف للنَّجْع ، والنَّجع بيعطيني زَغْراتات ، والزّغْراتات للوادي ، والـوادي بيعطيني السَيـل ، والسَّيل للسّـدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي تعطيني فتَّالتي باش نطبل بيها في لعراس ، قالت الكلبه ، لين تجِيْب لي سلاَ من الفرس ، مشَى للفرس ، وقال لها ، يا فرَس عَطيني سلاَ ، والسّلاَ للكلبه ، والكلبه بتعطيني جـرَو ، والجـرَو للخَرُّوبة ، والخَرُّوبة بتعطيني عصا ، والعصا للسارح ، والسارح بيعطينـي خـروف ، والخـروف للنَّجْـع ، والنَّجع بيعطيني زَغْراتات ، والزّغْراتات للوادي ، والوادي بيعطيني السَيل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قالت الفرس ، لين تجِيْب لي غمْـر تبن مـن الحَصّاده ، مشَى للحَصّاده ، قال لهم ، يا حَصّاده عَطُـوني غمْر ، والغمْر للفـرَس ، والفـرس بتعطيني سلاَ ، والسّلاَ للكلبه ، والكلبه بتعطيني جرو ، والجرو للخَرُّوبة ، والخَرُّوبة بتعطيني عصا ، والعصا للسارح ، والسارح بيعطيني خروف ، والخروف للنَّجْع ، والنَّجع بيعطيني زَغْراتات ، والزّغْراتات للوادي ، والوادي بيعطيني سَيل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، الحَصّاده قالوا له ، برى جري سِنّلنا المناجل عِنْد الحَدّاد ، مشَـى للحَـدّاد وقال له ، يا حَدّاد سِنّلـي المناجـل ، والمناجل للحَصّاده ، والحَصّادة بيعطوني غمْر ، والغمْر للفرَس ، والفرس بتعطيني سلاَ ، والسّلاَ للكلبه ، والكلبه بتعطيني جرو ، والجرو للخَرُّوبة ، والخَرُّوبة بتعطيني عصا ، والعصا للسارح ، والسارح بيعطيني خروف ، والخـروف للنَّجْـع ، والنَّجع بيعطيني زَغْـراتات ، والـزّغْراتات للوادي ، والوادي بيعطيني سَيـل ، والسَّيـل للسّـدْرة ، والسّدْرة بتعطيني النبَق ، والنّبَق للعَنْز ، والعنز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قاله الحَدّاد ، لين تجيب لي نار من أهل البَيْت ، مشَى لأهل البَيْت ، وقال لهم ، يا أهَل البَيْت عطـوني نار ، والنار للحَـدّاد ، والحَـدّاد بيسنّلي المناجل ، والمناجـل للحَصّاده ، والحَصّاده بيعطوني غمْر ، والغمْر للفرَس ، والفرس بتعطيني سلاَ ، والسّلاَ للكلبه ، والكلبه بتعطينـي جـرو ، والجـرو للخَـرُّوبه ، والخَـرُّوبـه بتعطينـي عصا ، والعصا للسارح ، والسارح بيعطينـي خروف ، والخـروف للنَّجْع ، والنَّجـع بيعطينـي زَغْراتات ، والزّغْراتات للوادي ، والوادي بيعطيني سَيل ، والسَّيل للسّدْرة ، والسّـدْرة بتعطينـي النبَق ، والنّبَق للعَنْـز ، والعَنْـز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبـل بيها فـي لعراس ، أهَل البَيْت وين وصلتهم الحكاية اللي صارت للفار حَنَّوا عليه وقالوا حرام يقعد بلا فتَّاله باش يطبل في لعراس ، وعطوه نار ، والنار رفعها للحَـدّاد ، والحَدّاد سـنّ له المناجـل ، والمناجـل عطاهم للحَصّاده ، والحَصّادة حصدوا له غمْر ، والغمْر جابه للفـرَس ، والفـرس عَطَاته سلاَ ، والسّلاَ رفعه للكلبه ، والكلبـه عَطَاته جرو ، والجـرو عطاه للخَـرُّوبه ، والخَـرُّوبه عَطَاتـه عصا ، والعصا رفعها للسارح ، والسارح عَطَاه خروف ، والخروف رفعه للنَّجْـع ، والنَّجـع عَطَاه زَغْـراتات ، والـزّغْـراتات زغرتوا على جالة الوادي ، والوادي عَطَاه سَيل ، والسَّيل مشى للسّدْرة ، والسّـدْرة عطاته النبَق ، والنّبَق رفعه للعَنْـز ، والعَنْـز حلبَت له الحليب ، والحليب رفعه لامّ بسيسي ، وامّ بسيسي عَطَاته فتَّالته باش يطبل بيها في لعراس .
ويا خُرَّافتي هابه هابه إنشالله زرعنا يجينا صَابه
منقولة
قعمزت أم بسيسي والفار وقالوا : هيا نزرعوا زي العباد ونديروا مطيره زرع ، وزرعوا وجا زرعهم لمَّاش يمشي فيه الفار للبتَّه ، ووين قرب الزرع من الطياب قالت أم بسيسي للفار هيا نمشوا نحوَّموا الزرع ونشوفوه ، ووين مشوا يحوَّموا في الزرع لقوه ما هناك شي سماح ، غير سبوله تبان على بعد شبح العين .
قالت أم بسيسي للفار مهناش من الزرع غير سبوله أوينها تبان على بعد شبح العين واللي يوصلها ياخذها ، وقمز الفار ينقز ويجري ، وطارت أم بسيسي تفَّر وترفط قدا السبوله ، ووصلها الفار قبل أم بسيسي خطفها ، ونزلت أم بسيسي على فتَّالة الفار وخطفتها ، قال لها : عطيني فتَّالتي راهو نبيها ونطبل بيها فـي لعراس ، قالتله لا ، قعد يجَّدَّى فيها باشْ تعطيه فتَّالته ، وهـي تقول ، لالا ، بعدين قالتله : كان تبِّي فتَّالتك تطبل بيها في لعراس ، جيبلي حليب من العَنْز ، مشَى للعَنْز ، قاللها : يا عَنْز عَطيني حليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قالتله العنز ، لين تجيب لي النبَق من السّدْرة ، مشَى للسّدْرة ، قال لها ، يا سـدْرة عَطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسـي بتعطينـي فتَّالتي باش نطبل بيها في لعراس ، قالت السّدْرة ، لين تجيب لي السَيل من الوادي ، مشَى للوادي ، قال له ، يا وادي عَطيني السَيل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قاله الوادي ، لين تجيب لي زَغْراتات من النَّجع باشْ يزغرتوا على جالتي ، مشَى للنَّجْع ، قال لهم ، يا نَجْـع عَطوني زَغْراتات ، والزّغْراتات للوادي ، والوادي بيعطيني السَيل ، والسَّيل للسّدْرة ، والسّدْرة بتعطيني النبَق ، والنّبق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قال النَّجع ، لين تجيب لي خروف من سارح الغلم ، مشَى للسارح ، قال له ، يا سارح الغلم عَطيني خروف ، والخروف للنَّجْع ، والنَّجع بيعطيني زَغْراتات ، والزّغْراتات للوادي ، والوادي بيعطيني السَيل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قال السارح ، لين تجِيْب لي عصا مـن الخَرُّوبة ، مشَى للخرُّوبة ، قال لها ، يا خَرُّوبة عطيني عصا ، والعصا للسارح ، والسارح بيعطيني خروف ، والخروف للنَّجْع ، والنَّجع بيعطيني زَغْـراتات ، والـزّغْراتات للوادي ، والـوادي بيعطيني السَيـل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قالت له الخَرُّوبة ، لين تجِيْب لي جـرُو مـن الكلبه ، مشَـى للكلبه ، قال لها ، يا كلبه عطيني جرَو ، والجرَو للخَرُّوبة ، والخَرُّوبة بتعطيني عصا ، والعصا للسارح ، والسارح بيعطيني خروف ، والخروف للنَّجْع ، والنَّجع بيعطيني زَغْراتات ، والزّغْراتات للوادي ، والـوادي بيعطيني السَيـل ، والسَّيل للسّـدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي تعطيني فتَّالتي باش نطبل بيها في لعراس ، قالت الكلبه ، لين تجِيْب لي سلاَ من الفرس ، مشَى للفرس ، وقال لها ، يا فرَس عَطيني سلاَ ، والسّلاَ للكلبه ، والكلبه بتعطيني جـرَو ، والجـرَو للخَرُّوبة ، والخَرُّوبة بتعطيني عصا ، والعصا للسارح ، والسارح بيعطينـي خـروف ، والخـروف للنَّجْـع ، والنَّجع بيعطيني زَغْراتات ، والزّغْراتات للوادي ، والوادي بيعطيني السَيل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قالت الفرس ، لين تجِيْب لي غمْـر تبن مـن الحَصّاده ، مشَى للحَصّاده ، قال لهم ، يا حَصّاده عَطُـوني غمْر ، والغمْر للفـرَس ، والفـرس بتعطيني سلاَ ، والسّلاَ للكلبه ، والكلبه بتعطيني جرو ، والجرو للخَرُّوبة ، والخَرُّوبة بتعطيني عصا ، والعصا للسارح ، والسارح بيعطيني خروف ، والخروف للنَّجْع ، والنَّجع بيعطيني زَغْراتات ، والزّغْراتات للوادي ، والوادي بيعطيني سَيل ، والسَّيل للسّدْرة ، والسّدْرة بتعطيني النبَق ، والنّبَق للعَنْز ، والعَنْز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، الحَصّاده قالوا له ، برى جري سِنّلنا المناجل عِنْد الحَدّاد ، مشَـى للحَـدّاد وقال له ، يا حَدّاد سِنّلـي المناجـل ، والمناجل للحَصّاده ، والحَصّادة بيعطوني غمْر ، والغمْر للفرَس ، والفرس بتعطيني سلاَ ، والسّلاَ للكلبه ، والكلبه بتعطيني جرو ، والجرو للخَرُّوبة ، والخَرُّوبة بتعطيني عصا ، والعصا للسارح ، والسارح بيعطيني خروف ، والخـروف للنَّجْـع ، والنَّجع بيعطيني زَغْـراتات ، والـزّغْراتات للوادي ، والوادي بيعطيني سَيـل ، والسَّيـل للسّـدْرة ، والسّدْرة بتعطيني النبَق ، والنّبَق للعَنْز ، والعنز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبل بيها في لعراس ، قاله الحَدّاد ، لين تجيب لي نار من أهل البَيْت ، مشَى لأهل البَيْت ، وقال لهم ، يا أهَل البَيْت عطـوني نار ، والنار للحَـدّاد ، والحَـدّاد بيسنّلي المناجل ، والمناجـل للحَصّاده ، والحَصّاده بيعطوني غمْر ، والغمْر للفرَس ، والفرس بتعطيني سلاَ ، والسّلاَ للكلبه ، والكلبه بتعطينـي جـرو ، والجـرو للخَـرُّوبه ، والخَـرُّوبـه بتعطينـي عصا ، والعصا للسارح ، والسارح بيعطينـي خروف ، والخـروف للنَّجْع ، والنَّجـع بيعطينـي زَغْراتات ، والزّغْراتات للوادي ، والوادي بيعطيني سَيل ، والسَّيل للسّدْرة ، والسّـدْرة بتعطينـي النبَق ، والنّبَق للعَنْـز ، والعَنْـز بتعطيني الحليب ، والحليب لامّ بسيسي ، وامّ بسيسي بتعطيني فتَّالتي باش نطبـل بيها فـي لعراس ، أهَل البَيْت وين وصلتهم الحكاية اللي صارت للفار حَنَّوا عليه وقالوا حرام يقعد بلا فتَّاله باش يطبل في لعراس ، وعطوه نار ، والنار رفعها للحَـدّاد ، والحَدّاد سـنّ له المناجـل ، والمناجـل عطاهم للحَصّاده ، والحَصّادة حصدوا له غمْر ، والغمْر جابه للفـرَس ، والفـرس عَطَاته سلاَ ، والسّلاَ رفعه للكلبه ، والكلبـه عَطَاته جرو ، والجـرو عطاه للخَـرُّوبه ، والخَـرُّوبه عَطَاتـه عصا ، والعصا رفعها للسارح ، والسارح عَطَاه خروف ، والخروف رفعه للنَّجْـع ، والنَّجـع عَطَاه زَغْـراتات ، والـزّغْـراتات زغرتوا على جالة الوادي ، والوادي عَطَاه سَيل ، والسَّيل مشى للسّدْرة ، والسّـدْرة عطاته النبَق ، والنّبَق رفعه للعَنْـز ، والعَنْـز حلبَت له الحليب ، والحليب رفعه لامّ بسيسي ، وامّ بسيسي عَطَاته فتَّالته باش يطبل بيها في لعراس .
ويا خُرَّافتي هابه هابه إنشالله زرعنا يجينا صَابه
منقولة