دوي الاحتياجات الخاصة

[الجميلة]

السلام عليكم ورحمة الله وبركاته

طبعا احنا في مجتمعنا عندنا هلبة ناس من دوي الاحتياجات الخاصة هدا الاسم الصحيح

ليهم

بس الناس فيه اللي يقول مجنون ويقوله فيها في وجه الشخص هدا ويبدا يستغل فيه .

يعني يقوله ارقص , او غني . او دير الشي الفلاني ..

نلقو معظم الاسرة والاهل متحشمين من الشخص هدا اللي في عائلتهم بس في

نفس الوقت وحسب رائي انا الشخصي انهم هما الخير والبركة يعني

هما اللي يستحقو الرحمة والمعاملة الحسنة لانهم محرومين من شي

مش شرط يكون عقله مش مكتمل النمو

فيه المعاق وفيه الاعمي وفيه الاخرس وفيه..... الخ

بس كيف نعاملهم وكيف نتصرف معاهم

واي شخص عنده اخ او اخت اوقريب من هده الفئة المفروض يحطه في عيون .. لعل

الله يدخله الجنة لرحمته بهم

ونسال الله حسن الخاتمة

قضية تستحق النقاش

[rwan]

بما انك طرحتي هذا الموضوع


حبيت نحكيلك قصه وانت احكمي ع الموضوع هل فعلا ناقصين نمو او لا




في يوم خوي سافر وبات عند ناس يعرفهم وكان ليهم ولد عقله ناقص
علما انه أول مرة يبات عندهم
المهم كان معاه جماعة غير اهل البيت (( ناس من بره))

شوي قبل الفجر جي هذا الولد وتخطى كل الي كانوا بالغرفه لين وصل لفراش خوي
شوي شد منه الخطأ بالشويه وجي لجنب وذنه وقاله نوض الفجر قريب يأذن

شوي ناض خوي وقعد يحكي معاه لين ياذن الفجر فسأله قاله ليش اني نوضتني وهادوم كلهم ما نوضتهمش

قاله انت بس تنوض تصلي الفجر هادوم ما ينوضوش هكي يقول وجهك

وفعلا قال خوي نحن جماعه مع بعض واني الوحيد الي بنوض نصلي الفجر فيهم

اني حكيت وانت احكمي هل هم ناقصين عقل أو عندهم عقل يفوق عقلنا؟؟؟؟؟؟؟؟؟

أترك الجواب لكي غاليتي

[الجميلة]

اجمل كما قلتي ليسوا ناقصين عقل لكن عندهم عقل يفوق عقلنا


باقي الاعضاء اين ارائكم ؟؟؟؟؟؟؟؟؟؟