مهند2010
25-10-2008, 08:43 AM
:rolleyes:
قالت جدايا ** نا عمري ماعرفت قراية
ولاحاجة سماها محاية **ولابيرو بالحبر يصب
ولاكراسة ولا براية**ولامعمل فيه تجارب
ولا قعمز حميدة بحدايا** سمايا مانعرف نكتب
هدايا من العالي مولايا **دوايا راسي ومجرب
العيل اللي فيه العواية**نزازيه ويمشي يلعب
************************************
قالت مانعرف صورة **ولانعرف طب وتنتورة
لادمل عدن لادورة***لا اماس جراحة تلعب
ولانوقف فوق السبورة**باش نكتب اليوم الاحد
العيل اللي رجله مكسورة**نجبرها تجبير عرب
نداويه ويمشي في شورة **ويبري كان الله كتب
***************************************
قالت مانعرف آله (السماعة)***بتلزمني في تشخيص الحالة
نا دوايا كل شيء قبالا ***بحاجات بسيطة مركب
مريضي بنجيبله العالة ***نولع في الكانون حطب
إن كان بطنه تجري سيالة *** بنطبخله براد عشب
ولانقوله برا ولا تعالا ** ولا ارجعلي تالي واتعب
**************************************
قالت نا مريضي يشفى *** وبدون يخش المستشفى
ولا اشعة تنزل في كشفه *** ولا وصفة ليه بنكتب
ولا شروبوا ياخذ بالرشفة ** ولا حبوب علي ثلاث وجب
نخرج ونداوي لين يشفي ***ان كان فيه احساسي يرحب
*******************************************
قالت نا جداك ذكية***ولا شيخ ضربني علي يدية
ولاحاجة سماها كلية ***ولاعطتني الأبلة واجب
نداوي في حاجة رسمية ***بنوصفها عنك تصعب
اللي عنده مرض الصدرية ***جغوم حلبة لازم يشرب
دوا اللي عنده حالة نفسية ***عسل مع كسبر ذايب
********************************************
قالت نا جداك مرتاحة ***ولانطلب قرض ولاراحة
ولا مدير في كل صباحة***يسجل في من هو غايب
ولانخدم كيف الطلفاحة ***بيغضب كان قصوا الراتب
نقولهالك بكل صراحة** إنت جيلك هذا يشيب
******************************************
رد جماعة الباسطي على جماعة البازين:
قلتي اللي بدك ***وخ**** قلتي ماسدك
ياجدايا كفي حدك *** نا جيلي ماهو سايب
جيلي واقف للي ضدك *** من العيب تقولي خايب
وجيلي من المصنع بيمدك **بحليب حكاك معلب (هههههه شنو المزرعة والا جهينة)
*************************************
الجدة :
نا حليبك مانضوقه ***ولاني لحليبك محقوقة
حليب خامر قاعد في سوقه***عليه زحمة ودفان وإرقب
ونا سلم عنزي المطلوقة ***بيديا هاذم نحلب (( حلوة ...عنزي المطلوقة ..))
لبني كيف المسك نذوقه***مالي الحلابة رايب
************************************
الشاعر :
قلها لبنك ياجدة ***باسل صامت مايتعدي
بيدير الفدة *** قارص صامت زي الشب
عنك بنرده ***تحشمت لقيته صاعب
*********************
الجدة : إنت ترد بقر وتدير كبر ...ليش
لأنك جيل بلاعقيدة ***وجيل معادي أمه وسيده
السبسي والمكياطه في إيده***راقي دخانه يعسلب
تي والله لوفيه جريدة *** تو تولي وتتأدب
**********************************
الشاعر ::
أيام الضرب بالجريدة والعصا اللي تحكي عليها هاذي راحت ...
اليوم جيلي جيل الحرية *** وكيف الراجل كي الولية
اليوم تمشي وين تبي هية ** تقضي في السوق وتحسب
ووخيك قاعد بالذرية **** ساعات غذاها يطيب (طيب يابطل)
***************************
الجده
طيح مزالك مزالك ** ماصح خيالك
تي من هو بهالدوة يابالك ** عادات جدودك تقلب
جدك لو يسمع بأفعالك *** ماعاد عليك بينشد
*************************************
:
الشاعر
جدي شيباني ***موديله من عام الهاني
يقعاده كرعيه الزوز يلعب
مريض ويعاني ساعة بيرقد من المغرب
*************************
:
جدك موديله ****ماتلقي في البر مثيله
غير شنهو طاريله *** يروح من السوق يكعب
غير عاد في ليله ** ماعادش فية يطرب
****************************
عاد ماك طبيبة **** شوفي موضوعه وسريبه
ومن بعد الغيبة *** ياريت الملقي يقرب
وسمحولي ياأهل الطيبة**ساعات الواحد يكذب
وتفهم جدايا في الطب ***دنيا وعجب ودكتورة من غير كتب
قالت جدايا ** نا عمري ماعرفت قراية
ولاحاجة سماها محاية **ولابيرو بالحبر يصب
ولاكراسة ولا براية**ولامعمل فيه تجارب
ولا قعمز حميدة بحدايا** سمايا مانعرف نكتب
هدايا من العالي مولايا **دوايا راسي ومجرب
العيل اللي فيه العواية**نزازيه ويمشي يلعب
************************************
قالت مانعرف صورة **ولانعرف طب وتنتورة
لادمل عدن لادورة***لا اماس جراحة تلعب
ولانوقف فوق السبورة**باش نكتب اليوم الاحد
العيل اللي رجله مكسورة**نجبرها تجبير عرب
نداويه ويمشي في شورة **ويبري كان الله كتب
***************************************
قالت مانعرف آله (السماعة)***بتلزمني في تشخيص الحالة
نا دوايا كل شيء قبالا ***بحاجات بسيطة مركب
مريضي بنجيبله العالة ***نولع في الكانون حطب
إن كان بطنه تجري سيالة *** بنطبخله براد عشب
ولانقوله برا ولا تعالا ** ولا ارجعلي تالي واتعب
**************************************
قالت نا مريضي يشفى *** وبدون يخش المستشفى
ولا اشعة تنزل في كشفه *** ولا وصفة ليه بنكتب
ولا شروبوا ياخذ بالرشفة ** ولا حبوب علي ثلاث وجب
نخرج ونداوي لين يشفي ***ان كان فيه احساسي يرحب
*******************************************
قالت نا جداك ذكية***ولا شيخ ضربني علي يدية
ولاحاجة سماها كلية ***ولاعطتني الأبلة واجب
نداوي في حاجة رسمية ***بنوصفها عنك تصعب
اللي عنده مرض الصدرية ***جغوم حلبة لازم يشرب
دوا اللي عنده حالة نفسية ***عسل مع كسبر ذايب
********************************************
قالت نا جداك مرتاحة ***ولانطلب قرض ولاراحة
ولا مدير في كل صباحة***يسجل في من هو غايب
ولانخدم كيف الطلفاحة ***بيغضب كان قصوا الراتب
نقولهالك بكل صراحة** إنت جيلك هذا يشيب
******************************************
رد جماعة الباسطي على جماعة البازين:
قلتي اللي بدك ***وخ**** قلتي ماسدك
ياجدايا كفي حدك *** نا جيلي ماهو سايب
جيلي واقف للي ضدك *** من العيب تقولي خايب
وجيلي من المصنع بيمدك **بحليب حكاك معلب (هههههه شنو المزرعة والا جهينة)
*************************************
الجدة :
نا حليبك مانضوقه ***ولاني لحليبك محقوقة
حليب خامر قاعد في سوقه***عليه زحمة ودفان وإرقب
ونا سلم عنزي المطلوقة ***بيديا هاذم نحلب (( حلوة ...عنزي المطلوقة ..))
لبني كيف المسك نذوقه***مالي الحلابة رايب
************************************
الشاعر :
قلها لبنك ياجدة ***باسل صامت مايتعدي
بيدير الفدة *** قارص صامت زي الشب
عنك بنرده ***تحشمت لقيته صاعب
*********************
الجدة : إنت ترد بقر وتدير كبر ...ليش
لأنك جيل بلاعقيدة ***وجيل معادي أمه وسيده
السبسي والمكياطه في إيده***راقي دخانه يعسلب
تي والله لوفيه جريدة *** تو تولي وتتأدب
**********************************
الشاعر ::
أيام الضرب بالجريدة والعصا اللي تحكي عليها هاذي راحت ...
اليوم جيلي جيل الحرية *** وكيف الراجل كي الولية
اليوم تمشي وين تبي هية ** تقضي في السوق وتحسب
ووخيك قاعد بالذرية **** ساعات غذاها يطيب (طيب يابطل)
***************************
الجده
طيح مزالك مزالك ** ماصح خيالك
تي من هو بهالدوة يابالك ** عادات جدودك تقلب
جدك لو يسمع بأفعالك *** ماعاد عليك بينشد
*************************************
:
الشاعر
جدي شيباني ***موديله من عام الهاني
يقعاده كرعيه الزوز يلعب
مريض ويعاني ساعة بيرقد من المغرب
*************************
:
جدك موديله ****ماتلقي في البر مثيله
غير شنهو طاريله *** يروح من السوق يكعب
غير عاد في ليله ** ماعادش فية يطرب
****************************
عاد ماك طبيبة **** شوفي موضوعه وسريبه
ومن بعد الغيبة *** ياريت الملقي يقرب
وسمحولي ياأهل الطيبة**ساعات الواحد يكذب
وتفهم جدايا في الطب ***دنيا وعجب ودكتورة من غير كتب