مسجات يجمدو

[الجميلة]

شبيك نا لبيك...وحقك علي ندير مايرضيك...

غير تقسمنخضع لامرك ونفدي بعمري ياحبيبي عمركونوطا علي شانك لهايب جمرك ...
.

وانحط روحي رهن بين يديك ....انحلل صيامي كان صمت بتمرك ....

وما ندير غيرك في غلاي شريك ....ولو كان رمت الخمر ندمن خمرك ....

ونربط مصيري في حياتي بيك....ونجمع اشواقي كلهن قدامك ونطرح طريقك ورد تحت اقدامك

ونضرب بعرض الساس قول عليك وما ايهني كوني جريح اسهامك ولو سال دمي افداك انا اللي نجيك....
*********
يامــوعـــرها ** مايغركم عزمه اللي طامرها ** لحظة وداع الهل

يامــصــعـــــــــــــــــــــــــبها ** ما يـحــسـهـا اللـي قـبـل ما جــربها

اتجـيـنا وعــلـيـنا ربـنـا كـاتبها ** اتـبــكـي شــديـد الـعـزم ما يـقـدرها

لحظة وداع الـعـين عين عربها ** ماقدرت في شعري انجيب اصورها

جت بين عيني و نومها وهذبها ** مـخــاطـير خطرن خاطري...
*******
كمل صبرها اشتاقت العـين اشتاقت .. لعـــزاز ودوها غــــلاهم ذاقت

اشتاقت العــين وحــنت .. لعزاز غــابوا ما نهــار تهــنت

واللى شافها تذرف يقــول نجنت .. ويجبد مداعيهم ان كـان هــى راقت

ويبقى حذاها فى العـــلل يصنت .. سوى لاقيه حجه ســوى مـا لاقت

الملقى معاهم فى الطــريق تمنت .. عـليها الوسيعة م الحــواسد ضاقت

اشتاقت العـين وحـــاست .. لعــزاز غــابوا ما نهـار تناست

بود ومحبة فى بحـرهم غــاصت .. وين القســامى الصــادقات تلاقت

غابوا عليها والوجيعــة قـاست .. وجيعــة اللى رغـــا بلاه نساقت

سحبها سريب الشوق نين نهـاست .. لا تاقــوا عليهــا لا عليهم تاقـت
*******
بين الغرام او همّــــــه .................. وبين الجفا و الجرح نازف دمـه

تهاوي انجيك و نحسبـــك مهتمه ...... نعاود وما منك انصر ثمايـر

مليت من سريب غلاك بايخ تمّا ....... كل يوم والثاني اتوق بصايــر

ماعد انجيك جديد ضايـق سمه ........ خذيت قرعتي كان الغرام قهـاير
******
حتى كان سلامك رنة &&&&&&&&& سلمك نشادة ياحنة
**************
عليك امرايف يالبعيد**امعاك انريد**سهاري مافيهن رصيد
******
يالميزه درتيها فينا.......طلعتي ارقام غوالينا
*****
مافيه داعـى تنشدينى كنك .. وانتي عـارفه كل المواجع منك..انتـي

عارفه مطرايا .. يا الخايله يم العيون سهايا ولافيه داعـى تجبدى سهرايا ..

لسـوال منطرح لنظار ما لامنـَك وايباتن عيونى ساهـرات كبايا .. زعـاله انكان ردن

وما حقنك انتـي عارفه موضوعه .. وانت اسباب شقـاه يـادلوعه ليش هو سوالك

تجبدى في نوعه .. وتجددى جروحه وين برين منـك مقسوم بين ياساته و نار اللوعه ..

وصابر ومامنه سـوايا جنـك يابوزاعــى .. انتي عارفه قصة اسباب اوجاعى سـوالك

اللى قلتيه ماله داعى .. ســوى بودعه والاّ تخابل ظنك وما خافيه عنك جميع اوضاعى
.. من يـومن رحلتى والخطا ساقنك
*************
خيرتهن و اختارن ...ايموتن و لا غيرك غوالي دارن ................الانظار في الغلاء
*******
قاسي عليا الوقت وقاسي عليا قلب فيه عشقت اكرهت الحياه مهمـوم

واضايقت قاسي وناسي ياحبيب جفيت . لايوم متهني وجنبك رقت ولامسج

لياليش مادزيت كلمه اخيره ليك صح اشتقت غيـرك عليـم الله ماحبيـت

[سالم على سالم]

مافيه داعـى تنشدينى كنك .. وانتي عـارفه كل المواجع منك..انتـي

عزمى قوى لكن ضعيف معاكم
كيف الهواء مانقدر انعيش بلاكم








مشكوره على هذا النقل والحقيقه بعد ماخلصتهم
لبست كنزه+بالطو من الجمود ههههههههههههه

[الجميلة]

ههههههههههههههههه

لسه لسه بنزيد الصبر بس

[الجميلة]

إتشوفك العين إيريح كل شقاها ؟

ناإنقول شن معناها ؟ شن تفسيرك ...ماعاد يملاها عيني غيرك...

إنقول وانت شغله تفكيريك معنى إرياف العين حداها أولهفت الروح عليك شن تقديريك ؟

أو ليش تتعذب وين ماتجفاها أو عقلي يتحمل ليش في تقصيرك ؟ أ

و ليش بوجودك دنيتي تملاها ؟ أو ليش نتمني دوم نبقى طيرك ؟ أو حتى السيه إديرها نمحيها ؟ بالله قولي شن تفسيرك ؟؟



******************************

مافيه داعـى تنشدينى كنك .. وانتي عـارفه كل المواجع منك..انتـي

عارفه مطرايا .. يا الخايله يم العيون سهايا ولافيه داعـى تجبدى سهرايا ..

لسـوال منطرح لنظار ما لامنـَك وايباتن عيونى ساهـرات كبايا .. زعـاله انكان ردن

وما حقنك انتـي عارفه موضوعه .. وانت اسباب شقـاه يـادلوعه ليش هو سوالك

تجبدى في نوعه .. وتجددى جروحه وين برين منـك مقسوم بين ياساته و نار اللوعه ..

وصابر ومامنه سـوايا جنـك يابوزاعــى .. انتي عارفه قصة اسباب اوجاعى سـوالك

اللى قلتيه ماله داعى .. ســوى بودعه والاّ تخابل ظنك وما خافيه عنك جميع اوضاعى

.. من يـومن رحلتى والخطا ساقنك

*********************
مش هضا كلامك لي@ أتهون روحي وماتهون علي@ أيش غيرك..مش

قلت ماننساك@ ومش قلت ياروحي الروح أفداك@ومش قلت ماعندي حياة بلاك@

ومش قلت من غيرك أنا لاشي @ ومش قلت ماظني خلق يسواك@ ومش قلت ماكيفك

نظرته حي@ ومش قلت في عهدك علي مبداك@ لاتخوني لايوم تغدر بي@ ومش قلت

في قولك أمغير غلاك@ ماعاد نبي في حياتي شي @ومحال ننس...ى

سود في سباك@ ليالي اطوال النوم مابا إيجي@وعلي ماأنفكر في سبب فرقاك @

مالقيتلك مالعذر حتى أشوي@ حتى وداير ياعزيز عزاك@مازال كيفك ما إنسان

أغلي@مش هضا كلامك لي @ أتهون روحي وماتهون علي@أيش غيرك ..؟

[wahat]

مافيه داعـى تنشدينى كنك .. وانتي عـارفه كل المواجع منك..انتـي

مسج حلو

[الجميلة]

ياعزيز خاطرى العين ليك اتحن......... وين تفقدك تنشد وقريب تجن

[الجميلة]

{ شاهى وشارب غدا ومتغدى ......ماناقصه إلاشوفتك ياامصدى.
******************

العين باكيه و دارت عليه عزا ..... الغالي تباعد والنصيب مشا
***********************8

امعاى ادلل ..

كل شى منك فالحياة انتحمل ..

اجرح وما ايهمك
***************
جروحي كيف جروح غلاك ** الله يشفيني نا و ياك
************ راك أتملي .. عليك شوقهم مافيك عزم أمخلي .. أنداقي علي غيّاب.
*****

[wahat]

متخلينيش نجيب النقال .... معش يقدر ينافسني حد حد حد

[سالم على سالم]

وعلي ماأنفكر في سبب فرقاك @

مالقيتلك مالعذر حتى أشوي@ حتى وداير ياعزيز عزاك@مازال كيفك ما إنسان

أغلي@مش هضا كلامك لي @ أتهون روحي وماتهون علي

ابيات تستحق الوقوف عندها

[سالم على سالم]

هههههههههههههههه فعلا الباين ياواحه لابد عليك بل اصبح لزوم النقال
ولكن لابد ان تقنن اى بمعنى كلام ايجيب كلام
وانتم ردو على بعضكم ونحنا نستمتع
وبنفس الوقت حكام
ايش رايك ياجميله

[الجميلة]

متخلينيش نجيب النقال .... معش يقدر ينافسني حد حد حد


هاهاهاه ترا وريني

[الجميلة]

هيا هيا

[سالم على سالم]

{ شاهى وشارب غدا ومتغدى ......ماناقصه إلاشوفتك ياامصدى.
اذا كان الى فى الانتظار امصدى
ياترى كيف كان حال الشاهى والغدا

[الجميلة]

هههههههههههههههههههههه

[اللغة تتحدث]

******
يالميزه درتيها فينا.......طلعتي ارقام غوالينا
*****



هههههههههه


[Only Registered Users Can See Links]

[الجميلة]

اعلنت التوبه....

وقلت القديم خلاص ننسي صوبه,,

تاريتني نكدب حلف يميني...

بالله ومحمد والكتاب وديني....

حتي لو ايقابلني انواطي عيني....

وماعاد يغريني برمش اهدوبه؟؟؟؟

تاريت توبتي وين يالقديم القيني

كيف توبة السكار ماهي محسوبه......

[wahat]

ياسي ياس قديم امجرب ... كل جديد اندير ايخرب

[الجميلة]

اللي ماعنده صقع عليه............. عسل كيفك ويدلع فيه

[wahat]

يالقديم كان اتريد اتعوم بحرنا .. ماملي قبلك ودرنا

[الجميلة]

ياريته يعلم بالنية... ..الغالي موت يعز عليا

[wahat]

ما نحساب غلاك اجميره ... اتشيط وتبقى نار طبير

[الجميلة]

العين باكيه و دارت عليه عزا ..... الغالي تباعد والنصيب مشا

[wahat]

طال غياب اللي نبوهم ... امتى يا عين انشوفوهم

[الجميلة]

سكاتي خير من كثرة كلامي .. وكثر القول ما يداوي اجروح

عندي جرح وسط القلب دامي .. مايبراش نين تخرج الروح

نعاني فيه نحسب فيه ايامي .. يوم بيوم ما نرضى انبوح

لا نداويه لا نكوي بحامي .. ايسطر غير مش قادر اينوح

وطبعي دوم مانحكيش كامي .. بين اهموم نداما اندوخ

ونا مليت من كثرة ملامي .. حسبت اللوم يعطي وضوح

سهرت امعاه سيبتا منامي .. امراره دوم في خشمي ايفوح

نبي ننساه ما فارق اوهامي .. رفيق البال ما منا ايروح

اسكاتي خير من كثرة كلامي .. وكثر القول ما يداوي اجروح

[wahat]

اللي تعجبني في لولاف ... انرايف ويجوني برياف

[الجميلة]

دشدش يامولاي عظامه ** هلي دار غلاء ما قامة

[wahat]

ابعاد عليا ... دفا صوتهم قاعد مأتر فيا ... حنون طبعهم الي بعاد عليا

[الجميلة]

درنا صوب اسباب خرابه ** من هلي في الدم قرابه

[wahat]

كل الكلام شويه.. ما يوصفك يلي عزيز عليا.. لو كان تندري

[الجميلة]

حتي على فـــــراش الموت . غلاك يا عزيز اوسادتـــــــي

[wahat]

عمرك ريت بعدها بدعه ... تضحك من نسطير اللدعه

[دمعة سبها]

انت الغلا والصوب انت الغية انت اللي كتبه الزمان عليا مانريد غيرك حد انت الغاية انت الدوا اللي يبرا دايا انت النجوم الساطعة في سمايا بقربك نفرح ايزيد هنايا انديره حفل من بيتنا للصين تغيب ياالحنون انديرها تعزايا تعزيني الغرب بكل قلب حزين اللي كلامك حافظه في احشايا بحب دايم لين يوم الدين

[wahat]

الغالي موش انجامل فيه ... انحطه عالجرح ايداويه

[دمعة سبها]

كيف انهونه ...
عزيز ملكني وحطني في عيونه روحي عليه شوي
كيف انهونه..

[wahat]

لا يغفل ولا ينساك ... العقل ياعزيز دوم جابدك

[wahat]

يا وحشنا .. شوق الغلا في غيبتك دروشنا .. لو ماقدرت اتشوفنا نابشنا

[سالم على سالم]

الباين ياواحه المشوار بطول::::::::من وحده اصبحن توم
سبها وجميله والكلام الزين::::::::وهاض وين بتقصر الليل
ارجو المعذره على التطفل

[wahat]

م الروح م النظر م العمر ... نقسم عليك بلي اتريده

[الجميلة]

بكت بكتني .. سالن دموعي عبرتي خنقتني .. وين تفارقنا
ونا بكيت معاها ..... وما تريد والي ع البكا ينهاها
وين ما بكت بكت اللي يالاها ...... ونا زاد لاخر دمعتي سبقتني
ياما نهيت العين عن مدعاها .......... لا تبعّت رايي ولا سمعتني
بكت مشتاقه .. ونا من بكاها لوعتي حراقه
لا غيتها دارت جديد علاقة ..... الحمت نارها كاس الغرام سقتني
ونا بالعيون السود مالي طاقة .. وهي بالحراب الماضية طعنتني
بكت بكاية .. العين مالها سيرة ولا سهراية
مفيت ما علي ماضي قديم معايا .... عليها خطر حاست بعد راعتني
ونا من حذاها غير كامي دايا ... مشيت شورها عطف الحنان همتني

[الجميلة]

مانى قليل ضمير اندير دورتك ....... وانخون فى الاخير على تنحسب‌



غوالي يالولاف علي..أنرايف ويدكم في يدي.‌



يبكن غير عليك ومنك....مابن ياغالي ينسنك



ما عاد كيف زمان ..عزيز فاتني ومبروك عالنسيان .. نقبل عزاكم فيه

[wahat]

كلا كلا .. لو يحكموني اعدام ما نتخلى .. عليك يا دلال العين ..كلا كلا

[الجميلة]

مرايف عليك انكان سلتي عني ×××× امغير الظروف انجيك ما خلنّي

[wahat]

100 قيقا وسيع الصدر لا يرفع زعل لا ضيقه امعاك الغلا في القلب 100 قيقا ومازال يرفع

[الجميلة]

صقع هدا يا واحات عجبني


********************************


انسيتك خلاص انقولها ابصراحه
عينى سعيده هــــــانيه مرتاحه
من نار صـــــوبك

[دمعة سبها]

انموت ولايموت غلاك... هدا عهد خليه بينا

[الجميلة]

الخاطر ياغالى مازال.... عليك ايسال...... سريبك مو ناسى م البال

[wahat]

حتى كان نظر ما جابك ... غالي عندي دير احسابك

[الجميلة]

وين ما نقول تهوني..... تجي صورتك هذيك بين عيوني.... تزيدي غلا

[wahat]

غلاك كامل محال تلقى نده ......... غلاك صادق يصعب عليك تصده

[الجميلة]

وين مـــا نقـول نهونك ......... يلي مذيبلني سواد عيونك
لا حذاك في الدنيا علم لا دونك ......ولكن خسارة فيك عاكس عوني
ما زال ما عندي نقص قانونك ..... كيف ماأنت عندك نقص قانوني
ونجن قيس من ليلي ونا مجنونك .... حتي ونا سليم الناس يحسابوني
وين ما ثمر غيري قطف عرجونك .... ونا الهم لو يقتل كبار غبوني

[دمعة سبها]

ملهوفات عليك انضاري...يالعزيز ومانك داري

[wahat]

تقاوي سمه تقول مدمن علي هيروين يبي شمه غلاك ياغالي تقاوي سمه

[الجميلة]

ما نريد إزعاجك.. امغير انجبرت وخاطري محتاجك .. رنّيت لكن ما نريد إزعاجك ..
فاقد اليوم محنّة .. سامحني إني درتها هالرنّة .. الخاطر امرايف من بعادك عنّه ..
لا طال صوبك ، ولا وصل لأبراجك.. ظروف الزمان ودنيته بكّنه.. شايل جروح
وفاقده علاجك.. يبكي عقاب الليل وما هو منّه.. صاعب لقاك وعاليات أدراجك.. وما نريد إزعاجك ..

[wahat]

واجد واجد *** فتش زوايا الجوف فيهن تاجد *** غلاك منتشر بالحيل واجد واجد

[دمعة سبها]

اعزاز ملوها عيني ود...معاهم ماننظر في حد

[الجميلة]

يجرحك ويبيعك ويجيك ناوي قصد في تلويعك لايفهمك لايسمعك لايطيعك ويزيد في كتر خطا بفعاله

[wahat]

ديمه وقت النوم و عزه / عندي فزه / يخطر زول عزيز انعزه

[الجميلة]

عندي راس المال غلاكم.. راني راقد ريح بلاكم..

[wahat]

غلاكم عندي صقع عليك..غلا يكفيك يفرش ويزيد يغيطك

[الجميلة]

مرة مرة ,..,يدردر شراب العين يطلع برا يخطر عزيز انحوس مرة مرة

[دمعة سبها]

العين في شقى من يومها مطول سريب همومه.... عدبها رفيق الصوب ومابت عليه اتوب..........اتقول في الغطا مكتوب؟؟؟؟يخطر عزيز ساعة نومها

[wahat]

عليك حسايف . حرم غلاك تحريمت ايكال الجايف . بعد خنتنا

[الجميلة]

جت صورتك بيني وبين كتابي ..تاعب ونقرا عالشهادة عابي

[wahat]

غفي العين وحط وراك وراس غلاك الي ما يعزك ما يسواك

[الجميلة]

وحق عيونك وحق من خلق بعد المسافة دونك حتي بعيد قريب مني نصونك وروحك معايا مالية لمكان وحق الغلا لا تهون وما تنهان..

[wahat]

متصدقيش هل مسج ..

عزيز كلا كبدي ابغلاه ** امرايف ع الميعاد امعاه

[الجميلة]

في الصوب تمرميده صارت ..لين النية منا طارت....

[wahat]

لو ينسقي بالماء غلانا يروه ــ .. ــ تبقى غصانه بالغات الذروه

[دمعة سبها]

ليش بنار غلاك بلينا....وانت مانك شاقي بينا...

[الجميلة]

عقلي من الياسات ومـره ** قــزون وربـاتـه ضـــره‌

[wahat]

غلاكم مبنى ليه اسنين بساس متين امصوقر لا سلفه لادين

مسج قديم

[دمعة سبها]

غيابك خلاني ننجن...خديت طبايع مستر بن

[الجميلة]

أبكى يا عيني موش حرام ............زطلع عيل ماصان غرام‌

[wahat]

ريد من غلاك اتذوق ...... العين تكحيل من بعيد ما عاد سادها

[الجميلة]

سيلي سيل بلاش العبره.... مرهـون وجرحـه ما يـبره‌

[wahat]

كرب اتميح ..نرخيك اتطيح اوحلت فيك يا بيت الغلا

[الجميلة]

يالقديم راك اتبدع........ يوم اتحط ويوم اتودع‌

[wahat]

ننساكم نا كيف وكيف غلاكم سيف نزل عالقلب ودار نزيف

[الجميلة]

الحيله يامرهون عليش ** اللي ماتت ماعاد تعيش

[wahat]

خايف عليه يضيع غلا عزيز دوبني دايره.

[الجميلة]

الله غالب ياعين علي ** نبيت شي ويصبح شي

[دمعة سبها]

ايقلب في قلبي تقليب...عزيز ريافه شي غريب

[الجميلة]

عندي قلب بكا من جده.... يذكر في قديم عدا !!!

[wahat]

موش بصاره ** جبدني غلاك ورحت في تياره ** غالي علي بجد موش بصار

[دمعة سبها]

العقل في بحور غلاك...غريق والنجاة مايريدها

[الجميلة]

روحي فالرايات حكيمة ........أتغالي غير أصحاب القيمة

[wahat]

يموت كيف موت الناس الله الله ثاريت الغلا

[الجميلة]

قالي لا تبكي لا تحيري مستحيل يزفك غيري ...... قتله لا تبكي ولا تحير انت الأول والأخيييير


ههههههههههههههههههههه

[wahat]

ياللي بعاد عليا غلاكم ذبحني ودار حالة فيا ....كيف حالكم

[دمعة سبها]

ساكن عروق عروقي...لوكان تعلم ياعزيز بشوقي...ماتلومني

[الجميلة]

يــا ليل ننشد فيـــك وين الغـــــــالي ..... اللي ما نسيته ولايفارق بالــــي .

[دمعة سبها]

ههههههههههههههههههههه

قايمينها ببعض صار

[wahat]

غلاكم ما عندى ميزان** داير فيضان ** امعبي الفاضي والمليان

[دمعة سبها]

يامزينكم شاغلين العقل رغم بعدي عنكم.... عليا اعزاز وخاطري فاقدكم

[الجميلة]

زيد اجفاني.... ايجيك يوم تاخد يا عزيز
امكاني...وتعرف اني مشتاق..زيد اتغلي...وانكانك نويت العب علي
واتسلة...مانقدر عليك انلوم...كيف انلوم... وانت رفيق اسنين ماهو
يوم...طيرت من عيني حلات النوم... وما انبدلك يا الي اتعز اعليا.

[wahat]

غيب وعدي تلقى غلاك ايزيد ماهو بيدي

اطمان وزيد اغياب

[wahat]

مهما تكون بعيد *** مكيال الغلا في كل يوم يزيد *** حنين وغلا

[الجميلة]

يالعزيزة مكانك عيني ..... وأنتي في بالك خليني .

[wahat]

ماهو قليل غلاك ... لو انعدها ترضيك في سباك ... الروح خوذها

[الجميلة]

عقلي ع الغياب تكدر ...يوعا يوم ويوم ايودر.

[دمعة سبها]

انت الغلا والصوب انت الغية انت اللي كتبه الزمان عليا مانريد غيرك حد انت الغاية انت الدوا اللي يبرا دايا انت النجوم الساطعة في سمايا بقربك نفرح ايزيد هنايا انديره حفل من بيتنا للصين تغيب ياالحنون انديرها تعزايا تعزيني الغرب بكل قلب حزين اللي كلامك حافظه في احشايا بحب دايم لين يوم الدي

[wahat]

نابتا نبات عجيب .. مطيرت الغلا وينما قريب اطيب .. عزيز باعها

[غسان العربي]

هههههههههههههههههههههه

انا تجمدت خلاص

[دمعة سبها]

هههههههههههههههههههههه

بمعني استسلمتي

[الجميلة]

دواه الخاطر راه امعاك .....ايروق ويهدا كان لقاك.

[wahat]

كان اهناك مرار صحيح.........اتغالي وانت راقد ريح

[الجميلة]

قطره قطره لابس غلاكم توب وانتم عطره يفداك دم القلب قطره قطره.

[wahat]

الشتاء جاء عزيزي غسان

طبيعي تجمد ..


كيف الراى ياغالي السوم...وكيف الحل ياسمح البسام

[الجميلة]

ماهو رايق ..لا طاق العرب لا عاد روحه طايق .الخاطر بلاكم

[دمعة سبها]

انت من؟؟
ماعاد ندكر سنين مضن عرف بنفسك قول انت من؟تنشد من ني من رجاك اسنين لين تحن واخرها رجاي خاب ماعرفتني من مانك عارف ؟وياما علي كان دمعك جارف وياما مراسيلك مشن وجن ومازال تنشد من؟؟؟

[wahat]

قطره قطره لابس غلاكم توب وانتم عطره يفداك دم القلب قطره قطره.

لالالا ما تعاودي المسج مرتين .. السابق دكرتيه من قبل

الغش ممنوع


يلي غلاكم نادر .. يصبر بلاكم العقل ماهو قادر .. مذهوب شيرته

[الجميلة]

جاك منام حلمتي بيهم ......نضتي مخلوعة تبيهم

[wahat]

دموع مسج غرررررررررري جدا ..

نسيتي واحات ....


عندي عين خدتها عادة .............ديما عالغالي نشادة

[الجميلة]

يلى حنون كلامك الشمس والقمر والنجم جن قدامك طفيت نورهن‌

[wahat]

حتي لو صبرت صبر ايوب .. لابلاك نحمل لا عليك انتوب .. ونموت عاشق

[الجميلة]

حال العين عليكم صايف... ملهوف و ذابل وامرايف

[دمعة سبها]

اامرايف عليك ارياف نادر نوعه...امخلط غلا ودموع فوق اللوعة

[wahat]

مافيش كيفك حد * لو كان نحسب نبطل امغير انعد * مازلت غالي *وما فيش كيفك حد

[wahat]

حمال نحمل فى مواجع عده

وبكاى ديما الدمع منى سايل

وشيال نشيل العنا ونقده

ومحروم ديما و البخت عندى مايل

وصبار نصبر ع الكدر و الغده

وسكات نزرط فى كثير علايل

وفزاع نفزع فى الرخا و الشده

ودبار ما نسمع بقوله قايل

ونعد فى الحشومه ما العيب نرده

ونصون الرفيق ما عليه نحايل .

[الجميلة]

عيني عالصبر مربيها .....غير معاك وحلنا فيها

[دمعة سبها]

امراف عليك وهات من تشكيله...العمر من غيرك ايام تقيله...كان تندري ياحنون

[wahat]

غلاك دافنه فالروح..مو
طالع الا بطلوعها.

[الجميلة]

يالقسام التفتن شوري @ نبيهم لولاف ضروري.

[wahat]

مسلسل ماينتهي غلاك ياعزيز غير تابعه

[الجميلة]

باهى يا رب اللى فيدك ...... لقسام اومافيد عبيدك‌

[دمعة سبها]

الليل صاحبي والدمع صاحب عيني...ماني قليل اصحاب ياناسيني

[wahat]

غلاكم كيف الكيف..
كيف ننساك يا كيف خاطرى..

[الجميلة]

معاكم مانبيش اخلاف****فداكم روحي يالولاف

[wahat]

لاتريد دليل ولاتريد حسبه ولاتعديل غلاك
عارفه وزنه أعيار ثقيل

[دمعة سبها]

الخاطر يانشاد عليه.....كان تعزه دز جنيه....ههههههههههههههههههههههههههههههههه رووووعة

[الجميلة]

بعد غيبت عامين طوال .... راجعلي بنفس السروال


ههههههههههههههههه داسه

[wahat]

فوق السحاب العالي قدرك كبير و دوم عندي غالي و مازلت ترقا... تقبلوا اول مشاركاتي

[دمعة سبها]

انكان الميت يرجي حي....قديمك ياعيني بيجي

[الجميلة]

للولاف عطيت سموحـــي ... حطيت الكيد علي روحي‌

[wahat]

ان كان في الغلا برهان عليك يا عزيز يانويرتي

[دمعة سبها]

اكيد ياجميله دكرى من ايامات الخوالي

[الجميلة]

يالعزيز عليك امرايف ** لاني متحشم لا خايف‌

[wahat]

كيفي كيفك .. لانسيت زولك لا خطاني طيفك .. صابر علي ملقاك

[دمعة سبها]

كان سمعت ابليس يصيم...بعدها نرجعلك ياالقديم

[الجميلة]

ما من هم الخاطر دسه .... يبكي غير مواطي حسه

[دمعة سبها]

مالك طلعة امسكر عليك القلب ضلعة ضلعة...يللي سكنت القلب ماللك طلعة

[الجميلة]

عالخونة يا ما وصوني......... ناس عزاز وبيها جوني

[دمعة سبها]

يابعيد علينا كل يوم طيفك في المنام يجينا ماغبت عنا حتي وانت متباعد وماقربت في غيبتك طيفك النا قاعد كل يوم يونس فينا

[الجميلة]

قالت لنقالها لك زمان ماجبت خبر الغالي لايم عليك اليوم يانقالي ؟

رد النقال انسي سريبه ولاعاد تشقي بيه ولا تحكي بيه والف علي

غيرك وبقي زاهي بيه ينسيك مولانا الكريم ماعاد الوارد ايجبه

رقمك محاه مكانه خالي ..... ردت مشتاقتله في الجيه وياريت

غير مره يرن عليا ننسى جفاه وخونه وسيه راهو صحيح معاه يزهي خاطري

[دمعة سبها]

شاغلين افكاري...
ماعاد منكم لانباء لاطاري....
يااعزاز وينكم؟؟؟

[wahat]

لاصوب ينفع لاجمال ايغرك ولاعاد بسمه للغرام اتجرك لاصوب ينفع لاجمال يفيدك
ولامن اتشوفه العين يبقى ريدك طبع الحنين عند الفراق يكيدك واجد الطيبه
فى الغرام اتضرك

[الجميلة]

كان خدوه العقل فداهم **ما مخلوق الا لغلاهم

[wahat]

يالله قرب اخطاه بودار عنى بعيده..... يالله مانحمل بلاه بوعين سوده شريده

يالله روحى فداه موش قول حاجه اكيده ......يالله عقلى خذاه خلانى انعانى بكيده

[الجميلة]

قطف كان عليك ايبرد .....نا عايش وانت متشرد

[الجميلة]

حتي كان مشي ما وله / و العظمي مليانة اغزلة

[الجميلة]

بيني و بينك نستاهلها"" شلتك فوق و مانك هلها

[الجميلة]

إنتي يا عين عليهم خطي / كيف ما عليتيهم وطي


إن كان ابتلعب موش على / اللعب معاي صعيب اشوي

[الجميلة]

لانك صقع لانك حاجـــه.....ومااتجي حتي ظل دجاجه


هههههههههههههههه

[wahat]

ما يصير يا الجميله لازم يرد عليك عضو اخر لكي تدرجي مسج جديد .....


هكي ما يصير ..

قديم في المنام افجعك طير النوم طرتي بالغطا

[الجميلة]

اوكي تو نستناك معاش نكتب

[wahat]

العين قبل جاها النوم خطر عزيز وعاها بـكـت

[سالم على سالم]

انا عارف روحى برانى:::::::::::::والبرانى بارد فنه
ياواحه دورلك واحد ثانى:::::::::::::::يهد على الجبل ويرده
وانا انقولك شوف اسيره:::::::::: كان ترضى ببنات جدها
وكان اغلبت هى شن حدها::::::::::رز ولحم وصونيه مجدره
ونكرر اعتذارى على التطفل

[wahat]

فسار لمنام عزيز انهال قال ياطول عازتـــــــك

[الجميلة]

انا عارف روحى برانى:::::::::::::والبرانى بارد فنه
ياواحه دورلك واحد ثانى:::::::::::::::يهد على الجبل ويرده
وانا انقولك شوف اسيره:::::::::: كان ترضى ببنات جدها
وكان اغلبت هى شن حدها::::::::::رز ولحم وصونيه مجدره
ونكرر اعتذارى على التطفل



لالالالا خود راحتك ياريت كل الاعضاء شاركونا

[الجميلة]

دز رساله قال انسينى ،،، ننسوه ايش ولا يا عينى

[سالم على سالم]

ماهو كلام رسائل::::::::::ومانى بخيل ولا عليك انحايل
غلاك كيف دمى:::::::::::فى عروقى سائل

[سالم على سالم]

عندى عين ماكفت نحيب::::::::::وعندى نفس مليانه هموم
زهاها غابمطراها عطيب:::::::::لها مدات ماتعرف النوم
وعندى فكر فى ماضى ايجيب::::ايحوس سماه يملنه أغيوم

[الجميلة]

يا مصعبها.. خزرت أعيونك هيت من يرغبها
كما أسلاح فى جبها أمصادر جبها .. واللى بينهن لازم أتم أحراقه
ولها غثيث يسفى أطوال هلبها .. ظلام ليل نازل عالوطاه أرواقه
ليله دجوج أعلقت من مغربها ..للثلث لاخر والنجوم غراقه
عفيفه نسا واللبس ما يعجبها .. ال منحرير جديد من معلاقه
نلقا نها عليه بعيد ما يكسبها.. اللى غالبه مالحمل زمط أرياقه

[الغزالة]

من غلاك مش عارفة كيف وليش .....كل ماندير عصيدة تطلع عيش!!! كل ما ندير صبغة تطلع ميش !!!! مش عارفة كيف وليش !!


.............................

ان كانك عالفراق فداك ياما غلا فارقنا.....بيك الحياة لولاك مانك اللي خالقنا

[wahat]

صاحب صوب ان كان اتبعني....... ياخذ عمري لو طاوعني

[سالم على سالم]

انسالك يامرهون بدين::::::::::شهوده مزالو حيين
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\\\\\\\\\\
حرام ماعليه انشدوا ::::قيسني رخيص لولاف عندهم
================================================== ========
رن واسكر بيش نعرفك للغلاء مذكر:::::::كذا ياعزيز امغير رن وسكر

[سالم على سالم]

يالبعيد اعزق مافيدك::::: واقرب جاى الروح اتريدك

العقل كان طال عزيز:::يزهى بلا مال ساده


عطشان صوب طول العمر::::::::: العقل ما روى لين صادفك

[الجميلة]

غلاكم يا ضاوي الجبين كما بازين في صونية سلستين عليه مفاصل كبش سمين


ههههههههههه

[wahat]

هو" هو" غلاكم اللي في قلوبنا من جوه إن كان ماكبرمازال هو" هو

[سقوط دمعة]

مرسي يا حلوة ^_*

[الجميلة]

لاشكر علي واجب

[اللغة تتحدث]

على ما نظرت اوحلت ........... يملا العين ما ليقيت كيفكم

الكلام يشمل كل الأعضاء !:cool:


-------------------------------------

شكرا....الجميلة:)

[الجميلة]

كلمات جميله

ولا شكر علي واجب