اظرف موقف حصل معاك

[الجميلة]

اظرف موقف معك؟
وسأبدأ بالموقف الظريف الذي حدت معي في شهر رمضان من شدة جوعي لم أكل التمر بل أكلت النوا

[مهند2010]

اطرف موقف صار معاي
كنت في سوق شارع الزاويه
المجمع اول مافتح جديد كان
فيه السلم الكهربائ وجدت
مدام ومعها ابنها الصغير
واقفه امام السلم وتنتظر
قريب ربع ساعه فقلت لها
ياحاجه فيش اتراجي قالتلي
انراجي في الكسير امتا يوقف
بيش نرقا فوق قلتلها يا
حاجه هدا مايوقفش لين
ايسكر السوق قلتلها غير
حطي رجلك تو يصعد بيك
قالتلي شنو تبيه ايكسرني

[rwan]

مواقفكم بجد حلوة

بس صراحة انا اذكر اخر موقف بس هو مو ضريف

بقد ما هو سخيف

دخلت غرفة التوتصل وكان عندي خطأ بالجهاز او ما اعرف بالضبط المهم ما كان
يكتب عربي

فصرت نكتب بالانجليزي معرب يعني بدل ما نكتب كلمة باهي كيف العرب نكتبها bahi

وكان الوضع اوكي مع الاستاذ kashada

فاهم علي
بس شوي دخل عضو ثاني للغرفة

وانا تابعت الكتابه بنفس الطريقة

شوي الا ما نلقاه كاتب (((( يمكن دخلت بمكان خطا)))))

صراحة عدى وجهي الوان

الحمد لله انه ما في بالمنتدى كاميرا والا صرت مضحكة


في انتظار الاعضاءالاخرين

[mozzarti]

السلام عليكم
مشيت للمكتبة نشرى فى كرسات الصغار ولما تلعط واركبت فى السيارة القيت فى جنبى سيدة انزلت نجرى عرفت روحى اركبت فى \سيارة تانية

[دمعة سبها]

مرة كنت ماشية للمجمع ونازلة من الدرج بسرعة وفي احدي الدرجات وقعت

[المعدبة]

طبعا انى الموقف اللى صارلى كنت رافعة اختى معاى للكلية اخر يوم امتحانات وكنت سنة رابعة وانتم عارفين درنا حفل تخرج وروحت انى وياها شن يصير يطلعلنا حشاكم كلب قلتلها نمشوا بجنبة وما تجرى خليك عادية تعرفوا جرت وخلتنى فانى معاد عرفت جريت معاها والمكان طبعا رملة وكندرتى تعبت تراب وكانوا الناس يتفرجوا ويضحكوا ووقت ما وصلت لبيت عمى قاللها تجرى وتخلى اختك قاتلة والله حتى كان كلاها بنجرى وبنخليها النهاية انة اختى ما ينعبى عليها فى المواقف الصعبة ابدا وهدا اظرف موقف صارلى

[رغد]

مواقفكم كلها مش عادية لكن اللي ما خلتش موقف الmozzarti كل مانتفكره نضحك بروحي ...انا نسيت المواقف اللي صارتلي..

[الجميلة]

والله يا اخي mozzarti موقف لا تحسد عليه ويا اختي المعدبة ماعليك اختك باعاتك اكيد

خايفة ويا اختي دمعة سبها الحمد اللعه علي السلامة والله ضحكتوني واجد واجد

ونا بنقولكم موقف صار معاي حديتا

كنت ماشية للمعهد او لابسه كعب عالي ونا ماشية لين انكصر خلاص من الاخير موقف

محرج للغاية فيه شباب ضحكوا عليا وحتي اني ضحكت علي روحي واتصلت بي باتي

جا روح بيا

[نونو]

اظرف موقف عندماكانت اتعلم القيادة عندما كانا وقفنا امام الاشارة ضوئية بدلا مااطلع اولة اطلع اندترو كان خلفى كتير من السيارات ولكن الابلة بسرعة ماعلاجب الكنف

[الجميلة]

ههههههههههههههههههههههههه

ان شاء الله ماصار فيه اضرار