امتحان نهائي في الشعر الشعبي

[الجميلة]

امتحان نهائي في مادة الشعر الشعبي..؛
( جاوب ع كل الفقرات **** الوقت ثلاثه بالساعات )
(6/5/2010)




السؤال الأول:
أ‌- العين : كيف غـواليك نسيوك...؟؟ مـريضه في حاله خــلوك..؟؟
ب- ماذا لو اقــــدم ولـــــولك...؟؟ وأعـذار جفاهم شـرحولك..؟؟
ج- أذكرلي بالشـــــرح وفسر...؟؟ ليش عـزيز معاي امقصر..؟؟
د- جاوبني وبكل صــــراحه...؟؟ بفرقــــــاهم تشعر بالراحه..؟؟
هـ- هــل وكيف عـزيز تـركنا...؟؟ بتعليل أراءك شـــــــاركنا..؟؟



السؤال الثاني : يقول الشاعر :
يــــلي خــــــــــطرت علينا .. ويلي فنـــص الــــدرب راخي بينا .. شن خطرك ..؟؟
شن خطرك تذكـــــــــــــــــــــــــــــرنا..؟ شـــــــن هــــو اللي بــالله فيكم درنا ..؟
نبشتو جروح الموجعة وجضــــــــرنا ... بــــعد مــا رضـيت بحكم جار علينا
وبعد القناعه و ع الغلا كـــــــــــابـرنا ... وتركنا المــــــــــاضي خلفنا ونسينا
ترجع فساعة زهونا تكدرنــــــــــــــــا ... ونيران يــــــــــاس اكبار تشعل فينا
وبعد بالاقسام الخافيه أعذرنــــــــــــــا ... تنقض خيــــــــوط الجرح وين برينا
شن بينا صـاير ..؟ ترا خـــــــــــــبرنا ..؟ وشـــن هـو خطـاي معاك يا جافينا
ساولتك برب الكــون ماتكفــــــــــــرنا ... وســوال بالـحبيب المصطفى ونبينا
خطا القلب ما تخــطر علي خاطــــرنا ... ولا فــــــــــخير لافي شر ماتطرينا
كريم ربنا يمهل ومـــــــــــــــا يهــملنا ... ولنـا قــسم كيف الناس مخـــفي لينا

أ‌- إستخرج مــن بين الأبيات...؟ خبر وماضي وذكــرايات...؟؟
ب- اعــــربلي مــاتحت الخط...؟ وتفسيره وضـــــــح بنقط ...؟؟
ج- عرف ما معنى اليـــاسات...؟ اللي ع الشــــاعر ملتمات...؟؟
د- الشــاعر فاعل أم مـــفعول...؟ وفي رأيك من هو المسـؤل...؟؟
هـ- استخرج من خان المشوار...؟ وهات المجرور من الجار...؟؟


السؤال الثالث (علل ) :
1- علل ليش مــــرادك خانك ..؟؟ لا وفـــا وعوده لاصانك ..؟؟
2- علل ليش عــــــزيز جفانا ..؟؟ في حــــــالة شينة خـلانا ..؟؟
3- علل ليش اعــــزاز توارو ..؟؟ نسيو يـــامـــا فـينا دارو ..؟؟
4- علل ليش البخت عـــطيب ..؟؟ تـلاقن ياس وخلوة جيب ..؟؟
5- علل ليش اقدم ع الــخاطر ..؟؟ هفو نين الدمع تقــــاطر ..؟؟



السؤال الرابع ( اختار مابين الأقواس ) :
1- إختاري مابين القوسين ( جدد / ولا ناس قديمين ) ..؟
2- أختر مابين الأقــــواس ( عزيز خانك / ولا وسواس ) ..؟
3- ما بين الأقواس اختار ( جضر وارياف / وموح ونار ) ..؟
4- إختاري مابين القوسين ( محاسد / ولا نقارين ) ..؟
5- مابين الأقواس ترا أختر ( بخت عطيب / وحظ معتر ) ...؟



**إنتهت الأسئلة**

[اخلاص]

امتحان نهائي في مادة الشعر الشعبي..؛
( جاوب عكل الفقرات **** الوقت ثلاثه بالساعات )
(6/5/2010)

فى ثلث ساعة جاك الجواب وكتبتى يا عين وصفتى واللى فى بالك ماشفتى


السؤال الأول:
أ‌- العين : كيف غـواليك نسيوك...؟؟ مـريضه في حاله خــلوك..؟؟
مقطوع يا العين العذر..هذا الدمع وهاذيك دارهم

ب- ماذا لو اقــــدم ولـــــولك...؟؟وأعـذار جفاهم شـرحولك..؟؟
قديم انسيته تعرف ليش اللى ماتت ماعاد تعيش

ج- أذكرلي بالشـــــرح وفسر...؟؟ ليش عـزيز معايامقصر..؟؟
اعرفك حاصله يا عين عزيز قطمرك فى جرته

د- جاوبني وبكل صــــراحه...؟؟ بفرقــــــاهم تشعر بالراحه..؟؟
بلاك ماتعيش العين غلاك يا عزيز هو روحها

هـ- هــل وكيف عـزيز تـركنا...؟؟ بتعليل أراءك شـــــــاركنا..؟؟
عكستن يا ليام علي فيت علايل مالي شي

السؤال الثاني : يقول الشاعر :
يــــلي خــــــــــطرت علينا .. ويلي فنـــص الــــدربراخي بينا .. شن خطرك ..؟؟
شن خطرك تذكـــــــــــــــــــــــــــــرنا..؟شـــــــن هــــو اللي بــالله فيكم درنا ..؟
نبشتو جروح الموجعة وجضــــــــرنا ... بــــعد مــا رضـيت بحكم جار علينا
وبعد القناعه و ع الغلاكـــــــــــابـرنا ... وتركنا المــــــــــاضي خلفنا ونسينا
ترجع فساعة زهوناتكدرنــــــــــــــــا ... ونيران يــــــــــاس اكبار تشعل فينا
وبعد بالاقسامالخافيه أعذرنــــــــــــــا ... تنقض خيــــــــوط الجرح وين برينا
شن بيناصـاير ..؟ ترا خـــــــــــــبرنا ..؟ وشـــن هـو خطـاي معاك يا جافينا
ساولتكبرب الكــون ماتكفــــــــــــرنا ... وســوال بالـحبيب المصطفى ونبينا
خطاالقلب ما تخــطر علي خاطــــرنا ... ولا فــــــــــخير لافي شر ماتطرينا
كريمربنا يمهل ومـــــــــــــــا يهــملنا ... ولنـا قــسم كيف الناس مخـــفيلينا

أ‌- إستخرج مــن بين الأبيات...؟ خبر وماضي وذكــرايات...؟؟
كيف امس كيف اليوم عليك ماتبدل خاطري

ب- اعــــربلي مــاتحت الخط...؟ وتفسيره وضـــــــح بنقط ...؟؟
فى اللولاف لوية صارت والعين تراجى مازالت

ج- عرف ما معنىاليـــاسات...؟ اللي ع الشــــاعر ملتمات...؟؟
اللى نغزله لعزيز تبكر عليه يا ياس تنقضه

د- الشــاعر فاعل أم مـــفعول...؟وفي رأيك من هو المسـؤل...؟؟
مع خطاك قاس العقل امرار ضيم ليام يا غنى

هـ- استخرج من خان المشوار...؟ وهات المجرور منالجار...؟؟
خان الصوب الله لا يرده ميت تحت الحيطة نعده



السؤال الثالث (علل ) :
1- علل ليش مــــرادك خانك ..؟؟لا وفـــا وعوده لاصانك ..؟؟
خان غلاى ودار السودة واللى مزروعة محصوده

2- علل ليش عــــــزيز جفانا ..؟؟ في حــــــالةشينة خـلانا ..؟؟
الجافى اكفاه الجفو مالقيتله دبار غيرها

3- علل ليش اعــــزاز توارو ..؟؟ نسيو يـــامـــا فـينا دارو ..؟؟
العقل مانسيهم يوم امرايف علي طول ياسهم

4- علل ليش البخت عـــطيب ..؟؟ تـلاقن ياس وخلوة جيب ..؟؟
تقاسم الياس غلاي تقسيم مال ناسه اشاكلت

5- علل ليشاقدم ع الــخاطر ..؟؟ هفو نين الدمع تقــــاطر ..؟؟
اللي يقربها تلذع يده شيطها القديم وعده




السؤال الرابع ( اختار مابين الأقواس ) :
1- إختاري مابين القوسين ( جدد / ولا ناس قديمين ) ..؟
علي ما العين نظرت تعلام ما صاغ فى نظرها الا انت

2- أختر مابين الأقــــواس ( عزيز خانك / ولا وسواس ) ..؟
الوقت خان يا بال انت علي خطاك مانى لايمك

3- ما بينالأقواس اختار ( جضر وارياف / وموح ونار ) ..؟
دمع العين الله لا يرده عاللولاف زكاة نعده

4- إختاري مابين القوسين ( محاسد / ولا نقارين ) ..؟
حساد تابعين غلاى قصو جرايره نين حوددن

5- مابين الأقواس ترا أختر ( بخت عطيب / وحظ معتر ) ...؟
الله والنبي يا عين انسي سريب لولاف خيرلك

%%%%

هذا الجواب يا الجميلة
كم من 10 ..؟;) :p

[mozzarti]

السلام عليكم ورحمة الله

انا ما انجاوب بتسلسسيل
وما عندي شرح وتعليل

ولا نبي فوضة وتهويل
ولا هرج ومرج وتعديل

كلام واضح ماهوش طويل
كلام اضوي كالنديل

ياجميلة حبيبك خلاك
هرب مسكين قعد ضليل

حلف معاد اولي احداك
ولا يبي هدان الحيل

انت صعيبة ولا ما يبيك
في قربك وريتيه الويل

**************

اختنا " الجميلة " ارجو المعذرة .... هذا من باب المزاح فقط ... الرد مسحوب في حال الزعل .
كل الاحترام .

[مهند2010]

ج .. بنجاوب علي سؤالك من كبر اهبالك تحسابي مهند بيفضالك??

تبيني انعلل ونفسر قلبي يتعصر سيبني الغالي ولا يبصر راني هالك وانراجي في رنة جوالك ??

راني بدوي وفي الحب غشيم انعاني من الضيم مجروح ومترمم ترميم في عذابي انسالك قتلتيني والسبب اهمالك ??

وحروفك اللي بين الاقواس جرحتيني قدام الناس وقلبي تحت الارض انداس معاد يبالك ولايسامح علي شر اعمالك ??

جيت مهيف من غريان للامتحان بعد ماقرست الجديان

[الجميلة]

هههههههههههههههههه


والله انتم عسل صافي


عمو mozzarti ([Only Registered Users Can See Links]) الزعل مش لينا


حنا عشرت عمر نش يوم

[الغزالة]

هههههههههههههههههههههههههههههههههههههههه

صار (( نش)) وليس مش